ممبئی ، 16 اپریل (ہ س) ۔ مہاراشٹر کے پالگھر ضلع میں کیلوا روڈ ریلوے اسٹیشن کے قریب ایک سنسنی خیز واردات میں نامعلوم حملہ آوروں نے زیورات کے تاجر کے خاندان پر حملہ کر کے 50 لاکھ روپے سے زائد مال لوٹ لیا۔اطلاعات کے مطابق ممتا جیولرز کے مالک کشن روپ سنگھ دسانا اور ان کی اہلیہ پر 4 سے 5 نامعلوم افراد نے پل کے نیچے حملہ کیا۔ اس حملے میں دونوں میاں بیوی زخمی ہو گئے، جبکہ ملزمین تقریباً 250 گرام سونا، 6 کلو چاندی اور نقد رقم لوٹ کر موقع سے فرار ہو گئے۔ متاثرہ خاندان کے سربراہ روپ سنگھ دسانا نے بتایا کہ گزشتہ سال بھی ان پر فائرنگ کا واقعہ پیش آیا تھا، تاہم اس وقت پولیس کی جانب سے مناسب مدد فراہم نہیں کی گئی۔اس معاملے میں صفالہ پولیس کے اسسٹنٹ پولیس انسپکٹر دتہ شیلکے نے بتایا کہ چار نامعلوم ملزمان کے خلاف مقدمہ درج کر لیا گیا ہے اور واقعے کی تفتیش جاری ہے۔ پولیس ملزمان کی تلاش میں مصروف ہے اور علاقے کے سی سی ٹی وی فوٹیج کی جانچ بھی کی جا رہی ہے تاکہ جلد از جلد ملزمان کو گرفتار کیا جا سکے۔

ہندوستھان سماچار

--------------------

ہندوستان سماچار / جاوید این اے