نوئیڈا، 13 اپریل پیر کی صبح نوئیڈا کے تھانہ دادری علاقے کے روپ بانسگاو¿ں کے قریب دو اسکول بسیں آپس میں ٹکرا گئیں۔ اس واقعے میں سات بچے اور ایک بس کا ڈرائیور زخمی ہو گئے۔ انہیں علاج کے لیے اسپتال میں داخل کیا گیا، جہاں سے سب کو ابتدائی طبی امداد کے بعد فارغ کر دیا گیا۔ ایک طالبہ زیر علاج ہے۔

اسٹیشن ہاو¿س آفیسر جتیندر کمار سنگھ نے بتایا کہ پیر کی صبح دو اسکول بسیں، جن میں سے ایک رامگیا اسکول کی اور دوسری جیسس میری اسکول کی تھی، 25 بچوں کو لے جا رہی تھیں۔ دونوں بسیں آپس میں ٹکرا گئیں۔ اس واقعے میں جیسس میری اسکول بس کا ڈرائیور اور اس میں سوار سات بچے زخمی ہو گئے جن میں پیہو، شوریہ ناگر، جانوی شکلا، انیشا شامل ہیں۔ انہیں علاج کے لیے موہن سوروپ اسپتال دھوم مانیک پور گاو¿ں میں داخل کیا گیا۔ چھ بچوں اور ڈرائیور کو علاج کے بعد اسپتال سے فارغ کر دیا گیا، جبکہ ایک معصوم چھ سالہ بچی پیہو اب بھی زیر علاج ہے۔ ایس ایچ او نے بتایا کہ تمام بچے کلاس 1 سے 5 میں پڑھتے ہیں۔ بس میں سوار بچوں کو ان کے والدین گھر لے گئے۔ کچھ دوسرے بچوں کو معمولی خروچ کا سامنا کرنا پڑا ہے۔ حادثے کی وجہ کی تحقیقات کی جا رہی ہیں۔

---------------

ہندوستان سماچار / عبدالسلام صدیقی