نئی دہلی، 12 اپریل (ہ س)۔ ہندوستانی خواتین کی ہاکی ٹیم ارجنٹینا کے اپنے چار میچوں کے دورے کے لیے پوری طرح تیار ہے۔ ٹیم 13 سے 17 اپریل تک بیونس آئرس میں ارجنٹینا کے خلاف چار میچ کھیلے گی۔

ہاکی انڈیا کے مطابق، ہندوستانی خواتین کی ٹیم نے ارجنٹینا روانہ ہونے سے پہلے بنگلورو میں تربیت حاصل کی۔ حیدرآباد، تلنگانہ میں منعقدہ ایف آئی ایچ ہاکی ورلڈ کپ کوالیفائر 2026 میں رنر اپ ہونے کے بعد، ٹیم اس ٹور پر اور باقی سال بھر میں اسی رفتار کو برقرار رکھنے کی کوشش کرے گی۔ کپتان سلیمہ ٹیٹے کی غیر موجودگی میں تجربہ کار فارورڈ نونیت کور دورے کے دوران ٹیم کی قیادت کریں گی۔ ہندوستان کی تجربہ کار گول کیپر سویتا کی واپسی ٹیم کے لیے حوصلہ بڑھانے والی بات ہوگی۔

حال ہی میں اپنا 200 واں بین الاقوامی میچ کھیلنے والی نکی پردھان نے، انتہائی تجربہ کار سشیلا چانو پکھ رامبم کے ساتھ دفاع کی قیادت کریں گی۔ ایشیکا چودھری، منیشا چوہان، جیوتی اور ادیتا جیسی کھلاڑی بھی ہندوستان کے دفاع کو مضبوطی دیتی ہیں۔ اس کے علاوہ، للتھنت لونگی کو بھی سینئر ٹیم میں جگہ بنانے کے بعد اپنی قابلیت ثابت کرنے کا موقع ملے گا۔

اس دورے میں سلیمہ ٹیٹے کے نہ ہونے سے ، نیہا ویشنوی وٹھل پھالکے اور سنیلیتا ٹوپو کے ساتھ مل کر ایک نوجوان مڈفیلڈ یونٹ کی قیادت کریں گی۔ ساکشی رانا، رتوجا داداشو پسال، ایشیکا اور دیپیکا سورینگ جیسی کھلاڑیوں کے پاس اپنی شناخت بنانے اور ابتدائی لائن اپ میں اپنی جگہ مضبوط کرنے کا موقع ہوگا۔

نونیت کور، جنہوں نے حال ہی میں اپنی مسلسل کارکردگی کے لیے ہاکی انڈیا بلبیر سنگھ سینئر پلیئر آف دی ایئر کا ایوارڈ جیتا ہے، لالریمسیامی کے ساتھ مل کر ہندوستان کے اٹیک کی قیادت کریں گی۔ بلجیت کور، دیپیکا اور بیوٹی ڈونگ ڈونگ اٹیک کے لئے اضافی متبادل بھی فراہم کریں گے۔ ممتاز خان بھی ٹیم میں واپسی کررہی ہیں اور گول کرنے کا خطرہ بڑھا سکتی ہیں۔ان کے ساتھ انو بھی ٹیم کا حصہ ہیں۔

چار میچوں کے دورے کے بارے میں اپنے خیالات کا اظہار کرتے ہوئے، ہندوستانی خواتین ہاکی ٹیم کے چیف کوچ سجورڈ ماریجنے نے کہا، ”ہم یہاں 23 کھلاڑیوں کے ساتھ آئے ہیں جنہیں اپنی صلاحیتوں کا مظاہرہ کرنے کا موقع ملے گا۔ ہم اس دورے کو مختلف ٹیموں کے ساتھ کھیلنے اور جیتنے کے راستے تلاش کرنے کے موقع کے طور پر استعمال کریں گے۔ یہاں میرا بنیادی مقصد انفرادی اور ٹیم کی عالمی درجہ بندی کے خلاف دوسرے نمبر کی کارکردگی کو دیکھنا ہے۔“

ہندوستھان سماچار

ہندوستان سماچار / محمد شہزاد