حال ہی میں شادی کے بندھن میں بندھی جنوبی ہند سنیما کے مشہور ستارے رشمیکا مندانا اور وجے دیور کونڈا ان دنوں خبروں میں ہیں۔ انہوں نے 26 فروری کو ادے پور میں ایک نجی تقریب میں شادی کی۔ اس کے بعد نوبیاہتا جوڑے نے 4 مارچ کو ایک شاندار استقبالیہ پارٹی کی میزبانی کی، جس میں کئی نامور فلمی شخصیات نے شرکت کی۔

رشمیکا اور وجے اپنی شادی کے بعد سے سوشل میڈیا پر ٹرینڈ کر رہے ہیں۔ دریں اثنا، ایک مداح کی طرف سے لکھی گئی ایک جذباتی پوسٹ اداکارہ کو اس قدر چھو گئی کہ انہوں نے ذاتی طور پر اس کا جواب دیتے ہوئے اظہار تشکر کیا۔

اپنی پوسٹ میں، مداح نے رشمیکا اور وجے کی محبت کی کہانی کی تعریف کی اور ان کے رشتے کو متاثر کن قرار دیا۔ اس کا جواب دیتے ہوئے رشمیکا نے لکھا، میں کافی عرصے سے اپنے بارے میں کچھ لکھا ہوا پڑھ کر اتنی جذباتی نہیں ہوئی، میرے پاس کہنے کو بہت کچھ ہے، لیکن میں نہیں کر سکتی۔ میں اپنی جگہ تلاش کر رہی ہوں اور اس سفر کے لیے بہت مشکور ہوں۔ سمجھنے کے لیے آپ کا شکریہ۔ میں محبت کے بارے میں صرف اتنا کہہ سکتی ہوں: محبت ڈھونڈو جو آپ کو آزاد کرے۔

رشمیکا اور وجے کی محبت کی کہانی فلم کے سیٹ پر شروع ہوئی۔ انہوں نے سپر ہٹ فلموں گیتا گووندم اور ڈیئر کامریڈ میں ایک ساتھ کام کیا، جس کے بعد ان کی جوڑی شائقین میں بے حد مقبول ہوئی۔

اب شادی کے بعد یہ جوڑا ایک بار پھر بڑے پردے پر ایک ساتھ نظر آئیں گے۔ ان کی نئی فلم رامبالی جلد ہی ریلیز کے لیے تیار ہے۔ حال ہی میں اس جوڑے نے اس پیریڈ ایکشن ڈرامے کا ٹیزر ریلیز کیا، جسے مداحوں کی جانب سے مثبت ردعمل ملا ہے۔

ہندوستھان سماچار

ہندوستان سماچار / عطاءاللہ