نئی دہلی، 7 مارچ (ہ س)۔

دہلی کی وزیر اعلیٰ ریکھا گپتا نے کہا کہ جن اوشدھی پروجیکٹ مودی حکومت کے صحت مند ہندوستان کے عزم کو معنی خیز شکل دے رہا ہے۔ مرکزی حکومت کی یہ بصیرت انگیز کوشش اس بات کو یقینی بناتی ہے کہ ملک کا کوئی بھی شہری، خاص طور پر متوسط اور غریب خاندان، مالی مجبوریوں کی وجہ سے ضروری علاج سے محروم نہ رہے۔ اسکیم کا بنیادی مقصد صحت کی دیکھ بھال کو قابل رسائی اور سستی بنانا ہے۔

جن اوشدھی کے قومی دن کے موقع پر آج سوشل میڈیا اکاو¿نٹ ایکس پر ایک پوسٹ میں وزیر اعلیٰ نے کہا کہ دہلی میں چل رہے 620 سے زیادہ جن اوشدھی مراکز لاکھوں خاندانوں کے لیے ایک بڑا سہارا بن گئے ہیں۔ کم قیمتوں پر اعلیٰ معیار کی ادویات فراہم کرکے، یہ مراکز بیماریوں سے لڑنے میں مددگار ثابت ہو رہے ہیں اور عام آدمی کے لیے محنت کی کمائی کی بچت کو بھی یقینی بنا رہے ہیں۔ طبی میدان میں یہ مثبت اقدام معاشرے کے ہر فرد تک بہتر صحت کے حق کو یقینی بنانے کے لیے کام کر رہا ہے۔

ہندوستھان سماچار

ہندوستان سماچار / عطاءاللہ