کولکاتا، 7 مارچ (ہ س)۔ مغربی بنگال کی وزیر اعلیٰ ممتا بنرجی نے ہفتے کے روز اعلان کیا کہ ریاستی حکومت کی ’یووا ساتھی‘ اسکیم کے تحت ملنے والے بھتہ اب اپریل کے بجائے اس ماہ فائدہ اٹھانے والوں کے کھاتوں میں جمع کر دیے جائیں گے۔ انہوں نے کہا کہ رقوم آج، ہفتہ، 7 مارچ سے مستفید ہونے والوں کے بینک کھاتوں میں جمع ہونا شروع ہو جائیں گی۔ دھرمتلہ میں میٹرو چینل پر احتجاجی پلیٹ فارم سے خطاب کرتے ہوئے وزیر اعلیٰ نے کہا کہ پہلے یکم اپریل سے اس اسکیم کے تحت ادائیگی شروع کرنے کا فیصلہ کیا گیا تھا لیکن خواتین کے عالمی دن کے موقع پر اسے پہلے شروع کرنے کا فیصلہ کیا گیا ہے۔وزیر اعلیٰ نے کہا کہ اس اسکیم کے لیے 21 سے 40 سال کی عمر کے تقریباً ایک کروڑ نوجوان اور خواتین نے درخواست دی ہے۔ اسکیم کے تحت، اہل مستفیدین کو 1500 روپے کا ماہانہ الاو¿نس براہ راست ان کے بینک کھاتوں میں ملے گا۔انہوں نے وضاحت کی کہ اس اسکیم سے فائدہ اٹھانے کے لیے درخواست دہندگان کو ثانوی یا اس کے مساوی امتحان پاس کرنا ہوگا۔ مزید برآں، یہ اسکیم صرف ان نوجوانوں کے لیے ہے جو ملازمت یا کام نہیں کر رہے ہیں۔ مستفید ہونے والے زیادہ سے زیادہ پانچ سال تک اس اسکیم کا فائدہ اٹھا سکتے ہیں۔وزیراعلیٰ نے یہ بھی واضح کیا کہ ریاستی حکومت کی کسی بھی دوسری سماجی بہبود کی اسکیموں سے فائدہ حاصل کرنے والے اس اسکیم کے اہل نہیں ہوں گے۔ تاہم، اسکالرشپ، شکاشری، کنیا شری، یا روپاشری اسکیموں سے فوائد حاصل کرنے والے طلبہ ’یووا ساتھی‘ اسکیم کے اہل رہیں گے، کیونکہ یہ اسکیمیں تعلیمی مقاصد کے لیے ہیں۔ہندوستھان سماچار

ہندوستان سماچار / Mohammad Khan