جے پور، 4 مارچ (ہ س)۔ سی بی آئی کے مقدمات کے ایڈیشنل چیف جوڈیشل مجسٹریٹ نے ملزم آلوک کمار اگروال کو 25 سال پرانے معاملے میں وجیا بینک سے فرضی فرم بنا کر قرض حاصل کرنے کے معاملے میں سات سال قید کی سزا سنائی ہے۔ عدالت نے ملزم پر پچاس ہزار روپے جرمانہ بھی عائد کیا۔ عدالت نے ملزم کے بھائی ارون اگروال کو کیس میں بری کر دیا۔ اس دوران ملزم کے والد سنورمل مقدمے کی سماعت کے دوران انتقال کر گئے۔

پریذائیڈنگ آفیسر جیا اگروال نے اپنے حکم میں کہا کہ تفتیشی افسر نے فرضی فرموں کے کھاتہ کھولنے کی درخواستیں جمع کرنے کی کوشش بھی نہیں کی۔ تفتیشی افسر نے یہ جاننے کے باوجود کہ یہ درخواستیں بینک ملازمین کی ملی بھگت کو بے نقاب کرنے والے اہم ثبوت ہیں، درخواستوں اور کے وائی سی دستاویزات کو تحقیقات کے دائرہ سے خارج کر دیا۔ نتیجتاً، سی بی آئی ڈائریکٹر کو اس معاملے میں چیف تفتیشی افسر کے خلاف کارروائی کرنے کی ہدایت دی گئی ہے۔اسپیشل پبلک پراسیکیوٹر انیرودھ ددھیچ نے استغاثہ کی نمائندگی کرتے ہوئے کہا کہ اس معاملے میں جے پور کے وجیا بینک میں دس فرموں کے ناموں پر اکاو¿نٹس کھولے گئے، حالانکہ یہ فرم موجود نہیں تھیں۔ ان کھاتوں سے وجیا بینک کو تقریباً 5 کروڑ روپے کا نقصان ہوا۔ ایک خفیہ اطلاع پر کارروائی کرتے ہوئے، سی بی آئی نے 2001 اور 2002 میں ایک مقدمہ درج کیا اور خصوصی عدالت میں چارج شیٹ داخل کی۔

ہندوستھان سماچار

ہندوستان سماچار / Mohammad Khan