بھونیشور، 4 مارچ (ہ س)۔

اوڈیشہ کے گورنر ہری بابو کمبھم پٹی، وزیر اعلیٰ موہن ماجھی، قائد حزب اختلاف اور بی جے ڈی کے صدر نوین پٹنائک، اور نائب وزرائے اعلیٰ کنک بردھن سنگھ دیو اور پربھاتی پریڈا نے ہولی کے موقع پر ریاست کے لوگوں کو دلی مبارکباد پیش کی۔

سوشل میڈیا پلیٹ فارم 'ایکس' پر اپنے پیغام میں گورنر ہری بابو کمبھم پٹی نے بھگوان جگن ناتھ سے دعا کی کہ رنگوں کا یہ مقدس تہوار ہر ایک کے لیے خوشی، امن اور خوشحالی لائے۔

وزیر اعلیٰ موہن چرن ماجھی نے اپنے پیغام میں کہا کہ ہولی خوشی، جوش اور بھائی چارے کی علامت ہے۔ انہوں نے امید ظاہر کی کہ رنگوں کا یہ تہوار عوام کی زندگیوں میں نئی امید اور خیر سگالی پیدا کرے گا۔ انہوں نے تمام اوڈیہ بھائیوں اور بہنوں پر بھگوان جگن ناتھ کے آشیرواد کی دعا کی اور شہریوں سے ماحول دوست، قدرتی اور جڑی بوٹیوں کے رنگوں کا استعمال کرنے اور ہولی کو پرامن اور محفوظ طریقے سے منانے کی اپیل کی۔

قائد حزب اختلاف نوین پٹنائک نے بھی ریاست کے لوگوں کو ہولی کی مبارکباد پیش کی اور خواہش کی کہ یہ تہوار ہر ایک کی زندگی میں خوشی اور مسرت لائے اور ہر کوئی اس تہوار کو محفوظ طریقے سے منائے۔

نائب وزرائے اعلیٰ کنک وردھن سنگھ دیو اور پربھاتی پریڈا نے بھی ریاست کے لوگوں کی صحت، خوشی اور خوشحالی کی خواہش کرتے ہوئے اسی طرح کے پیغامات بھیجے۔

ہندوستھان سماچار

ہندوستان سماچار / عطاءاللہ