پٹنہ کے کار واشنگ سینٹر میں زبردست آتشزدگی، موقع پر پہنچیں فائر بریگیڈ کی 14 گاڑیاںپٹنہ، 04 مارچ (ہ س)۔ بہار کی راجدھانی پٹنہ کے روپس پور علاقہ میں کار واشنگ سینٹر میں زبردست آگ لگنے سے خوف و ہراس پھیل گیا۔ آگ کے شعلے اس قدر شدید تھے کہ آس پاس کے لوگ خوفزدہ ہوگئے۔ آگ لگنے کی اطلاع ملتے ہی فائر بریگیڈ کی چودہ گاڑیاں جائے وقوعہ پر پہنچ گئیں۔ دو گھنٹے کی مشقت کے بعد آگ پر قابو پالیا گیا۔ کار ورکشاپ میں آگ لگتے ہی قریبی گھروں کو خالی کرا لیا گیا۔ آگ سے ہونے والے نقصان کا فی الحال اندازہ لگایا جا رہا ہے۔آگ کو پھیلنے سے روکنے کے لیے قریبی دکانوں اور مکانات کو خالی کرالیا گیا، جس سے کسی بڑی تباہی سے بچا گیا۔ دانا پور فائر افسر کے مطابق آگ شارٹ سرکٹ کے باعث لگی۔ واقعے میں کئی لگژری کاریں تباہ ہوگئیں جس کے نتیجے میں لاکھوں مالیت کا نقصان ہوا۔حادثے میں اب تک پانچ کاروں کے تباہ ہونے کی اطلاع ہے۔ حالانکہ ابھی تک کسی جانی نقصان کی باضابطہ تفصیلات سامنے نہیں آئی ہیں۔ صورتحال فی الحال قابو میں ہے۔ روپس تھانہ انچارج اور ان کی ٹیم جائے وقوعہ پر موجود تھی اور سیکورٹی کے انتظامات سنبھالے ہوئے تھی۔پولیس نے علاقے کو گھیرے میں لے لیا ہے تاکہ اس بات کو یقینی بنایا جا سکے کہ راحت اور بچاؤ کاموں میں کوئی رکاوٹ نہ آئے۔ انتظامیہ کی بروقتی اور فائر فائٹرز کی مستعدی سے بڑے نقصان سے بچا۔ فی الحال تفصیلی تفتیش جاری ہے۔ہندوستھان سماچار

ہندوستان سماچار / Mohammad Afzal Hassan