نئی دہلی،30مارچ(ہ س) پارلیمنٹ کے بجٹ اجلاس کے دوسرے مرحلے میں اپوزیشن کے ہنگامہ آرائی کی وجہ سے لوک سبھا کی کارروائی پیر کو 12:30 بجے تک ملتوی کر دی گئی۔

لوک سبھا کے اسپیکر اوم برلا نے کارروائی کا آغاز کیا اور وقفہ سوالات کے دوران متعلقہ وزراءنے سوالات کے جوابات پیش کئے۔ اس کے بعد اپوزیشن نے ہنگامہ شروع کر دیا، مغربی ایشیا کے بحران اور ایل پی جی بحران پر بحث کا مطالبہ کیا۔

پارلیمانی امور کے وزیر کرن رجیجو نے اپوزیشن کو وضاحت کرتے ہوئے کہا کہ وزیر اعظم نے بائیں بازو کی انتہا پسندی کے خلاف فیصلہ کن کارروائی کرنے کی بات کی ہے اور وزیر داخلہ آج اس کا جواب دیں گے۔ انہوں نے مزید کہا کہ وزیر اعظم نے توانائی کے بحران کا از خود نوٹس لیا ہے اور تفصیلی بیان جاری کیا ہے۔ بجٹ تقریر میں ایل پی جی کا مسئلہ بھی زیر بحث آیا۔ رجیجو نے یقین دلایا کہ اگر ضرورت پڑی تو اس معاملے پر دوبارہ بات چیت کی جائے گی، لیکن ابھی کے لیے درج کردہ موضوعات پر بات کی جانی چاہیے۔ اپوزیشن ارکان کے مسلسل ہنگامہ آرائی کے باعث ایوان کی کارروائی ساڑھے 12 بجے تک ملتوی کردی گئی۔

---------------

ہندوستان سماچار / عبدالسلام صدیقی