کھونٹی، 30 مارچ (ہ س)۔ رام نومی تہوار کے دوران مرہو میں دو برادریوں کے درمیان جھڑپ کے بعد پولیس کے ذریعہ ایک برادری کے کچھ لوگوں کی گرفتاری کے خلاف احتجاج کرنے اور گرفتار لوگوں کی غیر مشروط رہائی کے مطالبے کے لیےکیندریہ رام نومی مہاسبھا کی کال پر کھونٹی ضلع بند کے پہلے دن پیر کو بند کا زبردست اثر نظر آیا۔

کھونٹی ضلع ہیڈکوارٹر کے علاوہ تورپا، کررا، رانیا، مرہو اور اڑکی بلاک کے علاقوں میں بند مکمل طور پر موثر رہا۔ دکانیں اور کاروباری مراکز صبح سے ہی بند رہے۔ گاڑیوں کو بند سے مستثنیٰ رکھا گیا جس کے نتیجے میں تمام راستوں پر ٹریفک معمول کے مطابق رہی۔ بند کے پیش نظر انتظامیہ بھی الرٹ ہے۔ ہندو تنظیموں کا کہنا ہے کہ بند تب تک جاری رہے گا جب تک بے گناہ رام بھکتوں کو غیر مشروط طور پر رہا نہیں کیا جاتا۔

ہندوستھان سماچار

ہندوستان سماچار / محمد شہزاد