بالی ووڈ اداکار کارتک آرین کی انتہائی متوقع فلم ”کیپٹن انڈیا“ ایک بار پھر خبروں میں ہے۔ یہ منصوبہ ایک طویل عرصے سے التوا کا شکار ہے، اور یہاں تک کہ اس کے ٹھپ ہونے کی اطلاعات بھی ہیں۔ تاہم حالیہ اطلاعات کے مطابق فلم دوبارہ ٹریک پر آ گئی ہے اور جلد ہی شوٹنگ شروع ہونے والی ہے جس سے مداحوں میں جوش و خروش بڑھ گیا ہے۔

ذرائع کے مطابق ایوی ایشن پرمبنی ڈرامہ اس موسم گرما میں فلور پر آجائے گا۔ میکرز مئی اور جولائی کے درمیان شوٹنگ شروع کرنے کا ارادہ رکھتے ہیں۔ ہدایت کار کی بھی تصدیق ہو گئی ہے، شمیت امین، جو کہ چک دے انڈیا کے لیے مشہور ہیں، فلم کی ہدایت کاری کر رہے ہیں۔ اس سے قبل، اس کے پروجیکٹ سے علیحدگی کی اطلاعات تھیں، جس کے نتیجے میں یہ قیاس آرائیاں کی جا رہی تھیں کہ فلم کو روک دیا جائے گا۔

بتایا جا رہا ہے کہ یہ افواہیں تاخیر کی وجہ سے پھیلی تھیں، لیکن اب یہ منصوبہ مکمل طور پر ٹریک پر ہے۔ کارتک اس وقت ٹی سیریز کی ایک اور فلم کی شوٹنگ میں مصروف ہیں جس کے بعد وہ ”کیپٹن انڈیا“ پر کام شروع کریں گے۔ یہ بات قابل غور ہے کہ اس فلم سے ان کی پہلی جھلک 2021 میں سامنے آئی تھی، جس نے ناظرین میں کافی جوش و خروش پیدا کیا۔ اب یہ فلم ایک بار پھر ریلیز کے لیے تیار ہے۔

---------------

ہندوستان سماچار / عبدالسلام صدیقی