ناندیڑ ، 27 مارچ (ہ س)۔ ناندیڑ شہر میں ٹریفک نظام کو بہتر بنانے کے لیے وزیرآباد ٹریفک برانچ کی جانب سے جاری مہم کے تحت 393 گاڑی چلانے والوں کے خلاف کارروائی کی گئی ہے اور مجموعی طور پر 4 لاکھ 13 ہزار 500 روپے جرمانہ وصول کیا گیا ہے۔پولیس کے مطابق یہ مہم غیر قانونی مسافر ٹرانسپورٹ، بغیر لائسنس اور پرمٹ گاڑیوں، تیز رفتار ڈرائیونگ، پٹاخہ بلیٹ موٹر سائیکل، ڈرائیونگ کے دوران موبائل فون کے استعمال اور سڑکوں پر غیرقانونی پھل فروش ریڑھیوں کے خلاف شروع کی گئی ہے۔وزیرآباد ٹریفک برانچ کے اسسٹنٹ پولیس انسپکٹر بھاگوت ناگرگوجے اور ان کی ٹیم نے ریلوے اسٹیشن روڈ، مہاویر چوک، کلامندر، ورکشاپ، راج کارنر اور چھترپتی چوک پر خصوصی چیکنگ مہم چلائی، جس کے دوران گاڑیوں کے کاغذات کی جانچ کی گئی۔اس دوران ٹریفک میں رکاوٹ پیدا کرنے والی گاڑیوں، ٹرپل سیٹ سواری، بغیر لائسنس گاڑی چلانے والوں اور سڑکوں پر غیر قانونی تجاوزات کے خلاف کارروائی کی گئی، جبکہ آٹو ڈرائیوروں کو یونیفارم پہننے کی ہدایت بھی دی گئی۔پولیس نے شہریوں سے اپیل کی ہے کہ وہ اپنی گاڑیاں مقررہ پارکنگ مقامات پر کھڑی کریں، ٹریفک سگنلز کی پابندی کریں اور سڑکوں پر کسی بھی قسم کی رکاوٹ پیدا نہ کریں۔ بصورت دیگر موٹر وہیکل ایکٹ کے تحت سخت کارروائی کی جائے گی۔ یہ کارروائی سپرنٹنڈنٹ آف پولیس ابیناش کمار اور ایڈیشنل سپرنٹنڈنٹ سورج گرو کے رہنمائی میں انجام دی گئی۔

ہندوستھان سماچار

--------------------

ہندوستان سماچار / جاوید این اے