کاٹھمنڈو، 27 مارچ (ہ س)۔ نیپال کے وزیر اعظم کے عہدے کا حلف لینے والے راشٹریہ سوتنترپارٹی کے سینئر لیڈر بالیندر شاہ صرف سیاست تک محدود نہیں ہیں بلکہ موسیقی کے میدان میں بھی ان کا زبردست اثر ہے۔ ان کی حلف برداری سے ایک دن قبل جمعرات کو ریلیز ہونے والے ان کے مقبول ریپ گانے ”جئے مہاکالی“ نے یوٹیوب پر نیپالی گانوں کی تاریخ میں ایک نیا ریکارڈ قائم کر دیا ہے۔

اس گانے کو ریلیز کے صرف 24 گھنٹوں کے اندر 24 لاکھ سے زیادہ ویوز مل گئے، یہ اب تک کا سب سے زیادہ دیکھا جانے والا نیپالی گانا بن گیا۔ اس سے پہلے، یہ ریکارڈ جانے بھئے جام مایا کے پاس تھا، جو درگیش تھاپا اور سیسن بانیاں کے اشتراک سے بنا تھا، جسے 24 گھنٹوں میں 16لاکھ 36ہزار ویوز ملے تھے۔

اسی طرح، گانے نے اپنی ریلیز کے صرف 3 گھنٹے کے اندر 1 ملین ویوز کو عبور کر لیا، جو سب سے تیزی سے 1 ملین ویوز تک پہنچنے والا نیپالی گانا بن گیا۔ ”جئے مہاکالی“ کا آڈیو 11 سال پہلے بنایا گیا تھا۔ اسے ری -ماسٹرنگ کرکے انتخابی تشہیر کے مناظر کے ساتھ ویڈیو کی شکل میں دوبارہ جاری کیا گیا ہے۔ بالیندر نے خود ہی گیت لکھے ہیں ۔ انہوں نے اسے اپنے یوٹیوب چینل پر اپ لوڈ کیا۔

ہندوستھا ن سماچار

ہندوستان سماچار / محمد شہزاد