جموں, 26 مارچ (ہ س)۔

منشیات کے خلاف جاری کارروائیوں میں اہم پیش رفت کرتے ہوئے اینٹی نارکوٹکس ٹاسک فورس (این ٹی ایف) جموں نے این ڈی پی ایس ایکٹ کے تحت درج ایک مقدمے میں ملوث مفرور ملزم کو گرفتار کر لیا۔سرکاری ذرائع کے مطابق گرفتار ملزم کی شناخت محمد شاکر کے طور پر ہوئی ہے، جو نئی دہلی کے علاقہ دریا گنج کا رہائشی ہے۔ اسے وہیں سے حراست میں لیا گیا۔ ملزم این ٹی ایف پولیس اسٹیشن جموں میں درج ایف آئی آر نمبر 03/2023 میں مطلوب تھا۔حکام نے بتایا کہ ملزم تقریباً تین برس سے قانون کی گرفت سے فرار تھا۔ اس کی گرفتاری تکنیکی نگرانی اور خفیہ معلومات کی بنیاد پر ممکن بنائی گئی۔

انہوں نے کہا کہ یہ کارروائی منشیات کی اسمگلنگ کے نیٹ ورک کو توڑنے کی سمت ایک اہم قدم ہے اور اس بات کا اعادہ بھی کہ ملوث افراد کو ہر حال میں قانون کے کٹہرے میں لایا جائے گا۔پولیس نے مزید بتایا کہ اس معاملے میں مزید تفتیش جاری ہے اور دیگر ملوث افراد کی نشاندہی کی جا رہی ہے۔

ہندوستھان سماچار

---------------

ہندوستان سماچار / محمد اصغر