جموں, 25 مارچ (ہ س)کٹھوعہ کی سینئر سپرنٹنڈنٹ آف پولیس موہیتا شرما نے بدھ کے روز سرحدی علاقوں کا دورہ کر کے سیکورٹی صورتحال کا جائزہ لیا اور پولیس کو نرسری علاقوں میں مشکوک نقل و حرکت کی روک تھام کے لیے باقاعدہ سرچ آپریشنز کرنے کی ہدایت دی۔انہوں نے آپریشنز افسران کے ہمراہ بین الاقوامی سرحد کے قریب مختلف پولیس چوکیوں اور ملحقہ علاقوں کا معائنہ کیا، جہاں سیکورٹی تیاریوں اور مختلف ایجنسیوں کے درمیان تال میل کا بھی جائزہ لیا گیا۔ایس ایس پی نے حساس ہریا چک علاقے میں گشت کے دوران پولیس کو ہدایت دی کہ وہاں مستقل بنیادوں پر تلاشی مہم جاری رکھی جائے تاکہ کسی بھی مشکوک سرگرمی کو بروقت روکا جا سکے۔انہوں نے ہریا چک بارڈر پولیس پوسٹ کے معائنے کے دوران نگرانی کے نظام کو مزید مضبوط بنانے پر زور دیتے ہوئے کہا کہ تمام اہم مقامات پر سی سی ٹی وی کیمرے نصب کیے جائیں۔بعد ازاں ٹیم نے مہاراج پور بارڈر پوسٹ کا بھی دورہ کیا جہاں جاری تعمیراتی کاموں کا جائزہ لیا گیا اور حکام کو ہدایت دی گئی کہ کام کو تیز کیا جائے اور سیکورٹی معیارات کو یقینی بنایا جائے۔

پولیس نے کہا کہ سرحدی ضلع میں امن و امان برقرار رکھنے کے لیے مؤثر نگرانی اور مختلف ایجنسیوں کے درمیان بہتر تال میل کو یقینی بنایا جا رہا ہے۔

ہندوستھان سماچار

---------------

ہندوستان سماچار / محمد اصغر