گوالیار ہوائی اڈے پر خیر مقدم کیا

بھوپال، 24 مارچ (ہ س)۔

مدھیہ پردیش کے وزیراعلیٰ ڈاکٹر موہن یادو نے منگل کو گوالیار کی خاتون کرکٹ کھلاڑی انوشکا شرما کو ہندوستانی خواتین ٹی-20 کرکٹ ٹیم میں انتخاب پر مبارکباد اور نیک خواہشات پیش کی ہیں۔ انہوں نے گوالیار ایئرپورٹ پر انوشکا کا خیر مقدم کیا۔

وزیراعلیٰ ڈاکٹر یادو نے کہا کہ 17 اپریل سے 27 اپریل 2026 تک جنوبی افریقہ میں ہونے والی دو طرفہ ٹی-20 کرکٹ سیریز میں گوالیار کی انوشکا کا انتخاب مدھیہ پردیش کے باشندوں کے لیے فخر کی بات ہے۔ ان کے انتخاب سے مدھیہ پردیش کی بیٹیوں کو آگے بڑھنے کے لیے ترغیب ملے گی۔ وزیراعلیٰ ڈاکٹر یادو نے انوشکا اور ان کے والد برج موہن شرما کو راجماتا وجیا راجے سندھیا ہوائی اڈے پر اعزاز سے نوازا۔

ہندوستھان سماچار

ہندوستان سماچار / انظر حسن