بھاگلپور، 24 مارچ (ہ س)۔ ضلع بھر میں تجاوزات کے خلاف مہم جاری ہے۔ اس تناظر میں انتظامیہ نے منگل کے روز پیرپینتی میں تجاوزات کے خلاف بلڈوزر چلا ۔ انتظامیہ نے پیرپینتی نگر پنچایت علاقہ میں برسوں سے قائم تجاوزات کے خلاف سخت موقف اختیار کرتے ہوئے بڑے پیمانے پر مہم چلائی۔

شیرماڑی بازار سے اسپتال موڑ تک سڑک کنارے تجاوزات ہٹانے کے لیے بلڈوزر کا استعمال کیا گیا۔ کارروائی کے دوران درجنوں عارضی اور مستقل دکانیں، گاڑیاں اور کچھ مکانات بھی متاثر ہوئے۔ مقامی لوگوں کے مطابق اس علاقے میں کئی سالوں سے تجاوزات بڑھ رہی تھیں۔ سڑک کے دونوں اطراف دکانوں کے پھیلاؤ اور غیر قانونی تعمیرات نے مرکزی سڑک کو کافی تنگ کر دیا تھا۔ جس کی وجہ سے روزانہ گھنٹوں ٹریفک جام رہتا ہے، خاص طور پر صبح اور شام کے اوقات میں جس سے معمولات زندگی درہم برہم ہو گئے۔ا سکول کے بچوں، مریضوں اور دفتر جانے والوں کو خاصی تکلیف کا سامنا کرنا پڑا۔ نگر پنچایت کی ایگزیکٹیو افسرپونم کماری نے بتایا کہ انتظامیہ کو ٹریفک جام اور تجاوزات کی اکثر شکایات موصول ہوتی رہی ہیں۔ بار بار وارننگ کے باوجود تجاوزات نہیں ہٹائی گئیں جس پر سخت کارروائی کی گئی۔ انہوں نے کہا کہ تجاوزات ہٹانے سے ٹریفک میں آسانی ہوگی اور عوام کو خاطر خواہ ریلیف ملے گا۔ ایجوکیشن افسر نیلیش کمار نے مہم کے دوران نوڈل افسر کے طور پر خدمات انجام دیں۔ امن و امان برقرار رکھنے کے لیے پیرپینتی تھانہ کی پولیس کو تعینات کیا گیا تھا، اس بات کو یقینی بنایا گیا کہ کوئی ناخوشگوار واقعہ پیش نہ آئے۔ انتظامیہ نے واضح کیا ہے کہ آئندہ بھی ایسی مہم جاری رہے گی، دوبارہ تجاوزات کرنے والوں کے خلاف سخت کارروائی کی جائے گی۔

ہندوستھان سماچار

ہندوستان سماچار / Mohammad Afzal Hassan