ملک اور دنیا کی تاریخ میں 23 مارچ کی تاریخ کئی اہم واقعات کے لیے جانی جاتی ہے، لیکن ہندوستان کے لیے یہ دن سب سے زیادہ یومِ شہادت کے طور پر یاد کیا جاتا ہے۔ اسی دن سال 1931 میں عظیم مجاہد آزادی بھگت سنگھ، راج گرو اور سکھ دیو کو برطانوی حکومت نے پھانسی دی تھی۔
ان تینوں نوجوانوں نے ہندوستان کی آزادی کے لیے اپنی جانیں قربان کر دیں۔ ان کی شہادت نے پورے ملک میں تحریکِ آزادی کو نئی توانائی بخشی اور لاکھوں لوگوں کو انگریزی حکومت کے خلاف کھڑے ہونے کی ترغیب دی۔ آج بھی 23 مارچ کو پورے ہندوستان میں ’یومِ شہادت‘ کے طور پر منایا جاتا ہے اور ان بہادروں کو خراجِ عقیدت پیش کیا جاتا ہے۔
دیگر اہم واقعات:
1614 - مغل بادشاہ شاہ جہاں اور ’ممتاز محل‘ کی سب سے بڑی بیٹی جہاں آرا کی پیدائش۔
1880 - ہندوستانی جدوجہدِ آزادی کی کارکن بسنتی دیوی پیدا ہوئیں۔
1940 - مسلم لیگ نے قراردادِ پاکستان کی منظوری دی۔
1956 - آج ہی کے دن پاکستان دنیا کا پہلا اسلامی جمہوری ملک بنا۔
1965 - ناسا نے پہلی بار خلائی جہاز ’جیمنی 3‘ کے ذریعے دو افراد کو خلا میں بھیجا۔
1976 - سابق ٹیلی ویژن اداکارہ اور بھارتیہ جنتا پارٹی کی ممتاز خاتون رہنما اسمرتی ایرانی کی پیدائش۔
1986 - سینٹرل ریزرو پولیس فورس (سی آر پی ایف) کی پہلی خواتین کمپنی درگاپور کیمپ میں تشکیل دی گئی۔
1987 - بھارتی فلمی اداکارہ کنگنا رانوت کی پیدائش۔
1995 - ریناٹو روگیرو ورلڈ ٹریڈ آرگنائزیشن کے پہلے ڈائریکٹر جنرل مقرر ہوئے۔ ہندوستان کے وشوناتھن آنند نے پروفیشنل چیس ایسوسی ایشن کینڈیڈیٹس کی فائنل سیریز جیتی۔
1996 - تائیوان میں پہلی بار براہِ راست صدارتی انتخابات ہوئے جس میں لی تینگ ہوئی صدر منتخب ہوئے۔
2003 - جنوبی افریقہ کے وانڈررز میں ورلڈ کپ کرکٹ کے فائنل میں آسٹریلیا نے ہندوستان کو 125 رن سے ہرا کر ورلڈ کپ پر قبضہ برقرار رکھا۔
2007 - ہندوستان ورلڈ کپ کرکٹ میں سری لنکا سے ہار گیا۔
2008 - ہندوستان نے زمین سے زمین پر مار کرنے والے میزائل ’اگنی-1‘ کا کامیاب تجربہ کیا۔
2008 - امریکی خلاباز رابرٹ بینکن اور مائیک فورمین نے بین الاقوامی خلائی اسٹیشن کی مرمت کے لیے آخری اسپیس واک کی۔
2008 - ناسا نے زمین سے 7.5 ارب نوری سال کی دوری پر ہونے والے ایک خلائی دھماکے کا مشاہدہ کیا۔
2020 - ہندوستان میں کورونا وائرس انفیکشن کے کیسز کی تعداد 433 ہوئی اور ملک کے بیشتر حصوں میں لاک ڈاون نافذ کیا گیا۔
ہندوستھان سماچار
---------------
ہندوستان سماچار / انظر حسن
