ممبئی ، 21 مارچ (ہ س) ریاست مہاراشٹر کی نائب وزیر اعلیٰ سنیترا پوار نے کہا ہے کہ ریاستی خواتین کمیشن کی چیئرپرسن روپالی چاکنکر نے اپنے عہدے سے استعفیٰ دے دیا ہے اور اس پر کارروائی کا عمل جاری ہے۔

انہوں نے بتایا کہ یہ استعفیٰ 21 مارچ 2026 کو وزیر اعلیٰ فڑنویس کو بھیج دیا گیا ہے اور اس پر حتمی فیصلہ وزیر اعلیٰ کی جانب سے لیا جائے گا۔

سنیترا پوار نے سوشل میڈیا پر بیان جاری کرتے ہوئے کہا کہ روپالی چاکنکر کا نام ناسک کے مبینہ عصمت دری معاملے میں ملزم اشوک کھرات کے ساتھ جوڑا جا رہا تھا، جس کے باعث انہوں نے جمعہ کی رات دیر گئے اپنا استعفیٰ پیش کیا۔ ان کے مطابق چاکنکر نے ناسک معاملے کی منصفانہ اور غیر جانبدارانہ تحقیقات کو یقینی بنانے کے لیے یہ قدم اٹھایا۔

انہوں نے مزید کہا کہ استعفیٰ انہیں سونپنے کے بعد وزیر اعلیٰ کو بھیج دیا گیا ہے، جہاں سے اس پر آخری فیصلہ کیا جائے گا۔

قابل ذکر ہے کہ ناسک معاملے میں گرفتار ملزم اشوک کھرات کی مبینہ مدد اور اس کے ٹرسٹ میں روپالی چاکنکر کے بطور عہدیدار ہونے کے الزامات سامنے آئے تھے، جس کے بعد اپوزیشن نے اس مسئلے کو شدت سے اٹھایا۔

اسی دباؤ کے تحت وزیر اعلیٰ فڑنویس نے جمعہ کی شام روپالی چاکنکر کو عہدہ چھوڑنے کی ہدایت دی تھی، جس کے بعد انہوں نے اپنا استعفیٰ نائب وزیر اعلیٰ سنیترا پوار کے حوالے کیا۔

ہندوستھان سماچار

--------------------

ہندوستان سماچار / جاوید این اے