تہران، 2 مارچ (ہ س)۔ مغربی ایشیا میں جاری فوجی تنازعہ کے درمیان کشیدگی بڑھ گئی ہے۔ ایران کے اسلامی انقلابی گارڈز کور (آئی آر جی سی) نے دعویٰ کیا ہے کہ اس کے حالیہ میزائل حملوں میں اسرائیلی وزیراعظم اور اعلیٰ عسکری قیادت سے منسلک مقامات کو نشانہ بنایا گیا۔ اس دعوے نے خطے کی صورتحال کو مزید سنگین کر دیا ہے۔ژنہوا نیوز ایجنسی کے مطابق، آئی آر جی سی نے پیر کو اپنے سرکاری سیپاہ نیوز آو¿ٹ لیٹ پر جاری کردہ ایک بیان میں کہا کہ ’ہدف بنائے گئے اور حیران کن‘ حملے مقامی طور پر تیار کردہ خیبر بیلسٹک میزائلوں کا استعمال کرتے ہوئے کیے گئے۔ تنظیم کے مطابق، خیبر میزائل کا مظاہرہ مئی 2023 میں کیا گیا تھا اور اس کا تجربہ کیا گیا تھا۔ اس کی رینج تقریباً 2,000 کلومیٹر بتائی جاتی ہے اور یہ 1,500 کلوگرام تک وار ہیڈ لے جانے کی صلاحیت رکھتا ہے۔

آئی آر جی سی نے یہ بھی کہا کہ وزیر اعظم نیتن یاہو کی حالت کے بارے میں فوری طور پر کوئی واضح معلومات نہیں ہیں اور اس حوالے سے مزید تفصیلات بعد میں شیئر کی جائیں گی۔ آئی آر جی سی کے بیان میں کہا گیا ہے کہ ایران کے سپریم لیڈر آیت اللہ علی خامنہ ای، ان کے خاندان کے کچھ افراد، سینئر فوجی کمانڈر اور عام شہری ہفتے کی صبح تہران اور دیگر ایرانی شہروں پر امریکی اسرائیل کے مشترکہ فضائی حملوں میں مارے گئے۔اس کے جواب میں ایران نے مشرق وسطیٰ میں اسرائیل اور امریکی اہداف پر متعدد میزائل اور ڈرون حملے کئے۔ خطے میں جاری فوجی تصادم کے درمیان صورتحال انتہائی کشیدہ ہے اور بین الاقوامی برادری اب دونوں فریقوں کی جانب سے مزید کارروائی پر گہری نظر رکھے ہوئے ہے۔

ہندوستھان سماچار

ہندوستان سماچار / Mohammad Khan