نئی دہلی، 19 مارچ (ہ س):۔

ہندوستانی کرکٹ ٹیم کے ہیڈ کوچ اور سابق رکن پارلیمنٹ گوتم گمبھیر نے اپنے ذاتی حقوق کے تحفظ کے لیے دہلی ہائی کورٹ سے رجوع کیا ہے۔ درخواست میں الزام لگایا گیا ہے کہ ان کی شناخت کا بغیر اجازت اے آئی اور ڈیپ فیک ٹیکنالوجی کے ذریعے غلط استعمال کیا جا رہا ہے۔ اپنی درخواست میں، گوتم گمبھیر نے اپنے ذاتی حقوق کی خلاف ورزی کا الزام لگایا ہے اور 2.5 کروڑ کا معاوضہ طلب کیا ہے۔

درخواست میں گوتم گمبھیر نے کئی سوشل میڈیا اکاو¿نٹس، سوشل میڈیا پلیٹ فارمز اور ای کامرس ویب سائٹس کا حوالہ دیتے ہوئے الزام لگایا کہ ان کے نام، آواز اور شخصیت سے متعلق مواد کا بغیر اجازت کے غلط استعمال کیا جا رہا ہے۔ درخواست میں الزام لگایا گیا ہے کہ متعدد ویڈیوز میں ان کے استعفیٰ کے جعلی اعلانات اور سینئر کرکٹرز کے بارے میں من گھڑت تبصرے شامل ہیں۔ اس کی شناخت کا تجارتی استحصال کیا جا رہا ہے۔ درخواست 16 مدعا علیہان کے خلاف دائر کی گئی ہے۔

اس سے قبل ہائی کورٹ کئی مشہور شخصیات کے ذاتی حقوق کے تحفظ کا حکم دے چکی ہے۔ جس میں ہائی کورٹ نے حکم دیا تھا کہ یوگا گرو بابا رام دیو، فلم اداکارہ کاجول، فلم ایکٹر وویک اوبرائے، آندھرا پردیش کے نائب وزیر اعلیٰ پون کلیان، سابق کرکٹر سنیل گواسکر، فلم اداکار سلمان خان، اداکار اجے دیوگن، اداکارہ اور رکن پارلیمنٹ جیا بچن، صحافی سدھیر چودھری،آرٹ آف لیونگ فاو¿نڈیشن کے بانی شری روی شنکر ،تیلگو ادا کار ناگارجن اداکارہ ایشوریہ رائے، ابھیشیک بچن اور فلم پروڈیوسر کرن جوہر کی شخصیت سے جڑے کسی بھی اشیا کا بغیر اجازت استعمال نہیں کر نے کا حکم دیا تھا۔

ہندوستھان سماچار

ہندوستان سماچار / عطاءاللہ