نئی دہلی، 18 مارچ (ہ س) سابق مرکزی وزیر سادھوی نرنجن جیوتی کو پسماندہ طبقات کے قومی کمیشن کی چیئرپرسن مقرر کیا گیا ہے۔ انہوں نے بدھ کو نئی دہلی میں پسماندہ طبقات کے قومی کمیشن کے دفتر میں اپنا عہدہ سنبھالا۔

آج سوشل میڈیا پر اپنا چارج سنبھالنے کی ایک تصویر شیئر کرتے ہوئے سادھوی نرنجن جیوتی نے لکھا کہ وہ صدر جمہوریہ دروپدی مرمو اور وزیر اعظم نریندر مودی کی تہہ دل سے شکر گزار ہیں کہ انہوں نے انہیں پسماندہ طبقات کے وقار اور حقوق کے تحفظ اور ان کی مجموعی ترقی کے لیے وقف کردہ یہ ذمہ داری سونپی۔ انہوں نے مزید لکھا کہ پسماندہ طبقات کے لیے قومی کمیشن اس بات کو یقینی بنانے کے لیے پرعزم ہے کہ پسماندہ طبقات کو انصاف، تحفظ، احترام اور ترقی کے مساوی مواقع ملے۔ کمیشن اسی جذبے کے ساتھ کام کرنے کے لیے پرعزم ہے۔ ہمارا مقصد پسماندہ طبقات کی ہمہ جہت ترقی کے لیے اپنی ذمہ داری کو مکمل عزم، شفافیت اور حساسیت کے ساتھ پورا کرنا ہے۔

---------------

ہندوستان سماچار / عبدالسلام صدیقی