نئی دہلی، 17 مارچ (ہ س)۔ پانچویںپی ایس پی بی بابا دیپ سنگھ ہاکی ٹورنامنٹ (مرد اور خواتین) کا منگل کو میزبان سری گرو تیغ بہادر خالصہ کالج گراو¿نڈ میں شاندار مقابلوں کے ساتھ آغاز ہوا۔ افتتاحی دن، خالصہ کالج اور کیروڑی مل کالج نے مردوں کے زمرے میں شاندار جیت حاصل کیں، جبکہ وویکانند کالج نے خواتین کے زمرے میں کامیابی حاصل کی۔

مردوں کے زمرے میں سری گرو تیغ بہادر خالصہ کالج نے اندرا گاندھی انسٹی ٹیوٹ آف فزیکل ایجوکیشن اینڈ اسپورٹس سائنسز (آئی جی آئی پی ای ایس) کو 6-0 کے بڑے فرق سے شکست دی۔ چار گول کرنے والے وپن خالصہ کالج کی جیت کے ہیرو رہے جب کہ منیش اور تنوج نے ایک ایک گول کیا۔ وپن کو ان کی شاندار کارکردگی پر مین آف دی میچ قرار دیا گیا۔

ایک اور میچ میں کیروڑی مال کالج نے سینٹ اسٹیفن کالج پر یکطرفہ 11-2 سے جیت درج کی۔ سمر سنگھ اور روہت ڈانگی نے چار چار گول داغ کر ٹیم کی جیت میں اہم کردار ادا کیا۔ سمر سنگھ کو ان کی شاندار کارکردگی پر مین آف دی میچ سے نوازا گیا۔

خواتین کے زمرے میں وویکانند کالج نے شیاما پرساد مکھرجی کالج کو سخت مقابلے میں 1-0 سے شکست دی۔ میچ کا واحد اور فیصلہ کن گول مہیما نے 58ویں منٹ میں کیا۔ تاہم شیاما پرساد مکھرجی کالج کی مونیکا کو ان کی شاندار کارکردگی کے لیے پلیئر آف دی میچ قرار دیا گیا۔

افتتاحی تقریب میں پی ایس پی بی کے مشیر جناب للت وتس مہمان خصوصی رہے ، جب کہ دہلی یونیورسٹی کے فزیکل ایجوکیشن اینڈ اسپورٹس سائنس کے شعبہ کی سربراہ پروفیسر سریتا تیاگی مہمان خصوصی تھیں۔ انہوں نے اپنے تجربات بتائے اور کھلاڑیوں کی حوصلہ افزائی کی۔

ٹورنامنٹ کا افتتاح ایس جی ٹی بی خالصہ کالج کے پرنسپل پروفیسر گروموہندر سنگھ، دہلی یونیورسٹی اسپورٹس کونسل کے اسسٹنٹ ڈائریکٹر ڈاکٹر سشیل کمار اور پدم شری ایوارڈ یافتہ ڈاکٹر روی چترویدی کی موجودگی میں ہوا۔

قابل ذکر ہے کہ ٹورنامنٹ کو 'دی کمپلیٹ سلوشن اسپورٹس' پلیٹ فارم پر براہ راست نشر کیا جا رہا ہے۔

ہندوستھان سماچار

---------------

ہندوستان سماچار / محمد شہزاد