کولکاتہ، 16 مارچ (ہ س)۔

مغربی بنگال اسمبلی انتخابات کے اعلان کے بعد، الیکشن کمیشن نے ریاست کے انتظامی ڈھانچے میں اپنی بڑی تبدیلیوں کو جاری رکھا ہے، اب پولیس فورس کی اعلیٰ سطح پر تبدیلیاں کی جا رہی ہیں۔ پولنگ شیڈول کے اعلان کے 24 گھنٹے کے اندر، کولکاتہ پولیس کمشنر اور ریاستی پولیس کے قائم مقام ڈائریکٹر جنرل کو تبدیل کر دیا گیا ہے۔

الیکشن کمیشن نے کولکاتہ پولیس کمشنر سپرتیم سرکار کو ان کے عہدے سے ہٹا دیا ہے۔ 1996 بیچ کے آئی پی ایس افسر اجے کمار نندا کو نیا پولیس کمشنر مقرر کیا گیا ہے۔ دریں اثنا، 1992 بیچ کے آئی پی ایس افسر سدھی ناتھ گپتا کو پیوش پانڈے کی جگہ ریاست کے قائم مقام ڈائریکٹر جنرل آف پولیس اور انسپکٹر جنرل آف پولیس کے طور پر مقرر کیا گیا ہے۔

ایڈیشنل ڈائریکٹر جنرل آف پولیس (لا اینڈ آرڈر) ونیت گوئل کو بھی ان کے عہدے سے ہٹا دیا گیا ہے۔ 1995 بیچ کے آئی پی ایس افسر اجے مکند راناڈے کو ان کے عہدے پر مقرر کیا گیا ہے۔ 1991 بیچ کے آئی پی ایس افسر نٹراجن رمیش بابو کو ڈائریکٹر جنرل (جیل خانہ) مقرر کیا گیا ہے۔

الیکشن کمیشن نے ہدایت کی ہے کہ نئے پولیس کمشنر اور قائم مقام ڈی جی پیر کی سہ پہر 3 بجے تک اپنی ذمہ داریاں سنبھال لیں۔

قابل ذکر ہے کہ اتوار کو دہلی سے انتخابی شیڈول کا اعلان کرتے ہوئے چیف الیکشن کمشنر گیانیش کمار نے واضح طور پر کہا کہ کمیشن کی بنیادی ذمہ داری امن و امان کو برقرار رکھتے ہوئے پرامن، منصفانہ اور تشدد سے پاک انتخابات کرانا ہے۔

اسی سلسلے میں، ووٹنگ شیڈول کے اعلان کے چند گھنٹوں کے اندر، ریاست کی چیف سکریٹری نندنی چکرورتی اور ہوم سکریٹری جگدیش پرساد مینا کو بھی ان کے عہدوں سے ہٹا دیا گیا۔ ان کی جگہ بالترتیب دشمنت ناریالا اور سنگم مترا گھوش نے لی۔

ان تبدیلیوں کے بعد سے یہ قیاس آرائیاں عروج پر تھیںکہ جلد ہی پولیس انتظامیہ کی اعلیٰ سطح پر تبدیلیاں آسکتی ہیں، جسے پیر کو الیکشن کمیشن نے عمل میں لا دیا۔

ہندوستھان سماچار

ہندوستان سماچار / عطاءاللہ