لوزان (سوئٹزرلینڈ)، 16 مارچ (ہ س): بین الاقوامی ہاکی فیڈریشن ( ایف آئی ایچ) نے پیر کو اعلان کیا کہ نیوزی لینڈ اور جنوبی افریقہ بالترتیب خواتین اور مردوں کے زمرے کے لیے ایف آئی ایچ ہاکی نیشن کپ 2025-26 کے چوتھے ایڈیشن کی میزبانی کریں گے۔ اس مقابلے کے فاتح کو ایف آئی ایچ ہاکی پرو لیگ 2026-27 کے سیزن میں شرکت کا موقع ملے گا۔

مردوں کا یہ مقابلہ کیپ ٹاو¿ن، جنوبی افریقہ میں منعقد ہوگا اور اس میں دنیا کی چند مضبوط ٹیمیں حصہ لیں گی۔ ان ٹیموں میں میزبان جنوبی افریقہ، نیوزی لینڈ، فرانس، کوریا، جاپان، ویلز، ملائیشیا، اسکاٹ لینڈ اور آئرلینڈ شامل ہیں۔ا سکاٹ لینڈ نے ایف آئی ایچ ہاکی نیشنز کپ 2 کے ذریعے ترقی حاصل کی، جبکہ آئرلینڈ 2024-25 سیزن کے لیے ایف آئی ایچ ہاکی پرو لیگ کے لیے کوالیفائی کرنے کے بعد ٹورنامنٹ میں داخل ہوگا۔

ایف آئی ایچ ہاکی مینز نیشنز کپ 2025-26 11 سے 20 جون 2026 تک منعقد ہو گا۔ یہ مقابلہ ایک بار پھر جنوبی افریقہ میں منعقد ہو گا جس نے 2022 میں مردوں کے ایونٹ کے پہلے ایڈیشن کی میزبانی پوچیفسٹروم شہر میں کی تھی۔

خواتین کا یہ مقابلہ نیوزی لینڈ کے شہر آکلینڈ میں 15 سے 21 جون 2026 تک کھیلا جائے گا۔ ٹورنامنٹ میں میزبان نیوزی لینڈ کے علاوہ امریکہ، جاپان، کوریا، چلی، اسکاٹ لینڈ، فرانس اور بھارت کی ٹیمیں شرکت کریں گی۔ فرانس نے ایف آئی ایچ ہاکی نیشن کپ 2 سے ترقی حاصل کی ہے، جبکہ ہندوستان 2024-25 سیزن کے لیے ایف آئی ایچ ہاکی پرو لیگ سے آگے بڑھنے کے بعد مقابلے میں حصہ لے گا۔

ایف آئی ایچ ہاکی نیشنز کپ 2021 میں ایف آئی ایچ ہاکی پرو لیگ میں حصہ نہ لینے والی ٹاپ رینک والی ٹیموں کے لیے متعارف کرایا گیا تھا۔ مقابلے کا مقصد ایسی ٹیموں کو ایک اعلیٰ سطحی بین الاقوامی پلیٹ فارم مہیا کرنا ہے، جس میں فاتح کو اگلے سیزن کی پرو لیگ میں پروموشن حاصل کرنے کا موقع ملے۔

خواتین کے زمرے میں بھارت، اسپین اور نیوزی لینڈ نے اب تک کھیلے گئے تین ایڈیشنز میں ٹائٹل جیتا ہے۔ مردوں کے زمرے میں، جنوبی افریقہ نے افتتاحی ایڈیشن جیتا، اور اس کے بعد نیوزی لینڈ کی مردوں کی ٹیم نے لگاتار دو بار ٹرافی جیتی۔

ایف آئی ایچ کے صدر طیب اکرام نے میزبانوں کے اعلان کے بعد کہا کہ نیوزی لینڈ اور جنوبی افریقہ جیسے عظیم ممالک میں ٹورنامنٹ کی میزبانی ہاکی کے شائقین کے لیے بہت پرجوش ہو گی اور دنیا کی ٹاپ ٹیمیں دو براعظموں میں شاندار میچز پیش کریں گی۔

---------------

ہندوستان سماچار / عبدالسلام صدیقی