۔20 مارچ تک بارش اور تیز ہواو¿ں کے لیے ایلو الرٹ

رانچی، 16 مارچ۔ ریاست کی راجدھانی رانچی سمیت جھارکھنڈ کے کئی اضلاع میں مارچ میں ہی گرمی کا تیز اثر ہونا شروع ہو گیا ہے۔ ریاست کے مختلف حصوں میں درجہ حرارت معمول سے چار سے پانچ ڈگری سیلسیس زیادہ درج کیا جا رہا ہے۔

محکمہ موسمیات نے آنے والے دنوں میں درجہ حرارت مزید بڑھنے کا عندیہ دیا ہے جس کی وجہ سے گرمی کا اثر زیادہ محسوس ہوگا۔

محکمہ موسمیات نے یہ بھی کہا ہے کہ ریاست میں اگلے چند دنوں میں موسم بدلتا رہے گا۔ کبھی کبھار بارش اور تیز ہواو¿ں کے سبب درجہ حرارت میں عارضی کمی واقع ہو سکتی ہیں۔ محکمہ نے پیر کو اطلاع دی کہ ریاست کے کئی اضلاع میں 20 مارچ تک گرج چمک کے ساتھ ہلکی بارش اور 40 سے 50 کلومیٹر فی گھنٹہ کی رفتار سے تیز ہوائیں چلنے کا امکان ہے۔ اس کے پیش نظر محکمہ نے ایلو الرٹ جاری کیا ہے۔

گزشتہ تین چار دنوں میں راجدھانی رانچی سمیت ریاست کے کئی علاقوں میں موسم بدل گیا ہے۔ بعض علاقوں میں ہلکی سے درمیانی بارش درج کی گئی ہے۔ بارش کی وجہ سے زیادہ سے زیادہ درجہ حرارت میں دو سے تین ڈگری سیلسیس کی کمی ہوئی ہے جس سے گرمی سے کچھ راحت ملی ہے۔

محکمہ موسمیات کے اعداد و شمار کے مطابق ،ریاست میں گزشتہ 24 گھنٹے کے دوران سب سے زیادہ درجہ حرارت 38.7 ڈگری سیلسیس درج کیا گیا جب کہ سب سے کم درجہ حرارت 17.3 ڈگری سیلسیس ریکارڈ کیا گیا۔

پیر کو دارالحکومت رانچی اور آس پاس کے علاقوں میں صبح سے ہی ابر آلود آسمان اور درمیانی ہوائیں چلتی رہیں۔ رانچی میں زیادہ سے زیادہ درجہ حرارت 35.5 ڈگری سیلسیس اور کم سے کم 18.6 ڈگری سیلسیس درج کیا گیا۔

ریاست کے دیگر بڑے شہروں کی بات کریں تو جمشید پور میں زیادہ سے زیادہ درجہ حرارت 36.8 ڈگری اور کم سے کم 20.4 ڈگری سیلسیس، ڈالٹن گنج میں زیادہ سے زیادہ درجہ حرارت 38.7 ڈگری اور کم سے کم 20.1 ڈگری، بوکارو میں زیادہ سے زیادہ درجہ حرارت 37.5 ڈگری اور کم سے کم 20.4 ڈگری سیلسیس جبکہ چائباسا میں زیادہ سے زیادہ درجہ حرارت 33.1 ڈگری اور کم سے کم 19.5 ڈگری سیلسیس درج کیا گیا۔

محکمہ موسمیات نے لوگوں کو صلاح دی ہے کہ بدلتے ہوئے موسم کے پیش نظر محتاط رہیں اور تیز ہواو¿ں اور آندھی بارش کے دوران محفوظ مقامات پر رہیں۔

ہندوستھا ن سماچار

ہندوستان سماچار / محمد شہزاد