اورنگ آباد ضلع پریشد کے صدر کے عہدے پر بی جے پی اور شیو سینا میں معاہدہاورنگ آباد ، 16 مارچ (ہ س)۔ مہاراشٹر کے اورنگ آباد ضلع پریشد کے صدر کے عہدے کے لیے بی جے پی اور شیو سینا کے درمیان اڑھائی اڑھائی سال کا فارمولہ طے ہونے کی خبر سامنے آئی ہے۔ بتایا جاتا ہے کہ اس سلسلے میں وزیر اتول ساوے اور سنجے شرساٹ نے وزیر اعلیٰ دیویندر فڑنویس اور نائب وزیر اعلیٰ ایکناتھ شندے سے ملاقات کی جس کے بعد یہ فیصلہ سامنے آیا۔ضلع پریشد کے صدر کے عہدے کے لیے انتخاب 18 مارچ کو منعقد کیا جائے گا۔ اس انتخاب سے قبل یہ فیصلہ کیا جانا باقی ہے کہ ابتدائی اڑھائی سال کے لیے یہ عہدہ کس جماعت کو دیا جائے گا۔ضلع پریشد میں بی جے پی کے 23 اور شیو سینا کے 21 اراکین موجود ہیں جس کے باعث دونوں جماعتیں صدر کے عہدے پر اپنا حق جتا رہی ہیں۔سیاسی رہنماؤں نے واضح کیا ہے کہ ضلع پریشد میں اقتدار مہایوتی اتحاد کے پاس ہی رہے گا اور کسی بھی طرح کی سیاسی خرید و فروخت کو روکنے کے لیے سخت موقف اختیار کیا جائے گا۔اس دوران اورنگ آباد ضلع پریشد میں صدر اور نائب صدر کے عہدوں کے لیے سخت مقابلہ دیکھنے کو مل رہا ہے اور سیاسی حلقوں میں اس انتخاب کو خاص اہمیت دی جا رہی ہے۔ہندوستھان سماچار--------------------

ہندوستان سماچار / جاوید این اے