نئی دہلی، 15 مارچ (ہ س)۔

الیکشن کمیشن نے اتوار کو پانچ ریاستوں میں اسمبلی انتخابات کے شیڈول کا اعلان کر دیا۔ پڈوچیری، کیرالہ اور آسام میں 9 اپریل کو ایک ہی مرحلے میں ووٹنگ ہوگی۔ تمل ناڈو میں ووٹنگ ایک ہی مرحلے میں 23 اپریل کو ہوگی۔ مغربی بنگال میں ووٹنگ دو مرحلوں میں 23 اور 29 اپریل کو ہوگی۔ تمام ریاستوں کے انتخابی نتائج کا اعلان 4 مئی کو کیا جائے گا۔

چیف الیکشن کمشنر گیانیش کمار نے آج شام 4 بجے دہلی کے وگیان بھون میں منعقدہ ایک پریس کانفرنس میں اس کا اعلان کرتے ہوئے کہا کہ پانچ ریاستوں میں تقریباً 17.4کروڑ ووٹر اپنے حق رائے دہی کا استعمال کریں گے۔ 824 اسمبلی سیٹوں کے لیے تقریباً 2.19 لاکھ پولنگ اسٹیشن بنائے جائیں گے۔ تقریباً 25 لاکھ انتخابی عملے کو پورے انتخابی عمل کی کامیابی سے تکمیل کو یقینی بنانے کے لیے تعینات کیا جائے گا۔

کمیشن کے مطابق پانچ ریاستوں کی قانون ساز اسمبلیوں کی مدت مختلف تاریخوں کو ختم ہو رہی ہے۔ مغربی بنگال کی قانون ساز اسمبلی کی مدت 7 مئی کو ختم ہو جائے گی، جب کہ تمل ناڈو کی قانون ساز اسمبلی کی مدت 10 مئی کو ختم ہو رہی ہے۔ آسام قانون ساز اسمبلی کی مدت 20 مئی کو ختم ہو جائے گی، اور کیرالہ کی قانون ساز اسمبلی کی مدت 23 مئی کو ختم ہو گی۔

اسمبلی سیٹوں کی کل تعداد کے بارے میں، کل 824 سیٹوں میں سے، آسام کی 126 سیٹیں ہیں، کیرالہ کی 140 سیٹیں ہیں، پڈوچیری کی 30 سیٹیں ہیں، تمل ناڈو کی 234 سیٹیں ہیں، اور مغربی بنگال کی 294 سیٹیں ہیں۔ ان ریاستوں میں کئی سیٹیں درج فہرست ذاتوں اور درج فہرست قبائل کے لیے مخصوص ہیں۔ آسام میں 9 ایس سی اور 19 ایس ٹی سیٹیں ہیں، کیرالہ میں 14 ایس سی اور 2 ایس ٹی سیٹیں ہیں، پڈوچیری میں 5 ایس سی سیٹیں ہیں، تمل ناڈو میں 44 ایس سی اور 2 ایس ٹی سیٹیں ہیں، اور مغربی بنگال میں 68 ایس سی اور 16 ایس ٹی سیٹیں ہیں۔

ووٹر ٹرن آو¿ٹ کے مطابق، آسام میں تقریباً2.50کروڑ ، کیرالہ میں تقریباً2.70کروڑ ، پڈوچیری میں تقریباً 9.44لاکھ ، تمل ناڈو میں تقریباً 5.67کروڑ ، اور مغربی بنگال میں تقریباً 6.44کروڑ رائے دہندگان اپنے حق رائے دہی کا استعمال کریں گے ۔ الیکشن کمیشن نے کہا ہے کہ پرامن اور منصفانہ انتخابات کے انعقاد کے لیے تمام ضروری تیاریاں مکمل کر لی گئی ہیں۔

ہندوستھان سماچار

ہندوستان سماچار / عطاءاللہ