جے پور، 11 مارچ (ہ س)۔ راجستھان میں مسلسل گرمی اور ہیٹ ویو کے درمیان راحت کی خبر ہے۔ محکمہ موسمیات کے مطابق، 14 مارچ کو ایک ویسٹرن ڈسٹربنس کے فعال ہونے سے ریاست کے کئی حصوں میں موسم بدل سکتا ہے۔ اس اثر سے کچھ اضلاع میں آندھی ، ہلکی بارش اور ژالہ باری کی پیش گوئی کی گئی ہے۔

محکمہ موسمیات نے 14 مارچ کو ریاست کے 19 اضلاع میں بارش اور ژالہ باری کے لیے ایلو الرٹ جاری کیا ہے۔ بدھ کو دو اضلاع کے لیے ہیٹ ویو الرٹ جاری کیا گیا ہے۔منگل کو ریاست کے بیشتر حصوں میں آسمان صاف رہا اور دن بھر تیز دھوپ کی وجہ سے گرمی محسوس کی گئی۔ جیسلمیر اور باڑمیر سمیت سرحدی اضلاع میں ہلکی سے درمیانی گرمی کی لہر محسوس کی گئی۔ باڑمیر میں منگل کو ریاست کا سب سے زیادہ درجہ حرارت 40.6 ڈگری سیلسیسدرج کیا گیا۔ اس کے علاوہ پیلانی (جھنجھنو) میں درجہ حرارت 39.2 ڈگری، چتوڑ گڑھ میں 39 ڈگری، چورو میں 38.7 ڈگری، جودھپور میں 38.6 ڈگری اور جیسلمیر میں 38.5 ڈگری سیلسیس رہا۔

دارالحکومت جے پور میں بھی گرمی کے اثرات نظر آئے۔ شہر کے میں سڑک کنارے دکاندارشدید دھوپ سے بچنے کے لیے چھتریوں کے نیچے پناہ لیے ہوئے نظر آئے ۔ جے پور میٹرولوجیکل سنٹر کے ڈائریکٹر رادھے شیام شرما کے مطابق، 14 مارچ کو شمالی ہندوستان میں ایک ویسٹرن ڈسٹربنس فعال ہو جائے گا۔ اس نظام کے اثرات راجستھان میں 14 اور 15 مارچ کو دیکھے جا سکتے ہیں۔

اس کے زیر اثر ریاست کے کچھ علاقوں میں ہلکی بارش اور گرج چمک کے ساتھ بارش کی توقع ہے۔ زیادہ سے زیادہ درجہ حرارت میں بھی 2 سے 3 ڈگری سیلسیس کی کمی متوقع ہے جس سے گرمی سے کچھ راحت ملے گی۔

ہندوستھان سماچار

ہندوستان سماچار / محمد شہزاد