نئی دہلی، 10 مارچ (ہ س): مرکزی حکومت نے 3,839 کروڑ روپے کی لاگت سے اجین کو دہلی-ممبئی ایکسپریس وے سے جوڑنے والے چار لین کاریڈور کو منظوری دی ہے۔
وزیر اعظم نریندر مودی کی صدارت میں اقتصادی امور کی کابینہ کمیٹی نے آج اپنی میٹنگ میں اس تجویز کو منظوری دی۔ مرکزی وزیر اشونی وشنو نے نیشنل میڈیا سنٹر میں کابینہ کے فیصلوں کا اشتراک کیا۔
وزیر نے بتایا کہ مدھیہ پردیش میں دہلی-ممبئی ایکسپریس وے کے بدنوار-پیٹلاواڑ-تھندلا-تیمروانی سیکشن (این ایچ-752ڈی) کی 4 لیننگ کو ہائبرڈ اینیوٹی موڈ پر لاگو کیا جائے گا۔ اس منصوبے میں 80.45 کلومیٹر طویل کوریڈور کی تعمیر شامل ہے۔ یہ کوریڈور اجین سے دہلی-ممبئی ایکسپریس وے کے تیمروانی انٹرچینج تک بغیر کسی رکاوٹ کے 4 لین کا براہ راست رابطہ فراہم کرے گا۔ اس منصوبے کا مقصد ہموار سفر کو آسان بنانا اور سفر کے وقت میں تقریباً ایک گھنٹہ کم کرنا ہے۔
---------------
ہندوستان سماچار / عبدالسلام صدیقی
