نئی دہلی، 3 فروری (ہ س)۔ مرکزی وزیربرائے صنعت و تجارت پیوش گوئل نے منگل کو ہندوستان اور امریکہ کے درمیان تجارتی معاہدے کے بارے میں تفصیلی معلومات دیتے ہوئے کہا کہ اس سے نوجوانوں کے لیے مواقع پیدا ہوں گے۔ گوئل نے دعویٰ کیا کہ تجارتی معاہدے نے ہندوستان کے ڈیری اور زراعت کے شعبوں کو تحفظ فراہم کیا ہے۔

ہندوستان-امریکہ تجارتی معاہدے اور امریکی صدر ٹرمپ کے تازہ ٹیرف کے اعلان کے بعد، گوئل نے آج یہاں میڈیا کے سامنے معاہدے کی مکمل تفصیلات پیش کیں۔ گوئل نے کہا کہ یہ تجارتی معاہدہ ہندوستان کی معیشت کو صحیح معنوں میں فروغ دے گا۔ انہوں نے کہا کہ وہ اس بارے میں پارلیمنٹ میں بات کرنا چاہتے تھے لیکن اپوزیشن ارکان کے ہنگامہ آرائی کی وجہ سے ایسا نہیں کر سکے۔

ہندوستان پر محصولات کو 50 فیصد سے کم کرکے 18 فیصد کرنے کے بارے میں، مرکزی وزیر تجارت پیوش گوئل نے نئے اعلان کردہ ہندوستان-امریکہ تجارتی معاہدے کو بہترین معاہدہ قرار دیا۔ انہوں نے اس کامیابی کا سہرا وزیر اعظم نریندر مودی اور امریکی صدر ڈونلڈ ٹرمپ کے درمیان اچھے تعلقات کو قرار دیا اور زور دیا کہ مذاکرات کے دوران ہندوستان کا قومی مفاد سب سے زیادہ ہے۔

گوئل نے کہا، آج پورے ملک میں ہر ہندوستانی امریکہ کے ساتھ مضبوط تجارتی معاہدہ کرنے کے لیے وزیر اعظم نریندر مودی کا شکریہ ادا کر رہا ہے۔ انہوں نے مزید کہا، قومی اور عوامی مفاد کو سامنے رکھتے ہوئے ایک ڈیل کو حتمی شکل دی گئی ہے، جو ایک مضبوط ہندوستان کے مستقبل کو مضبوط کرے گی۔ اس معاہدے کو بہترین قرار دیتے ہوئے وزیر تجارت و صنعت نے کہا کہ اس سے ہندوستان کی معیشت اور صنعت کے لیے بڑے مواقع پیدا ہوں گے۔

ہندوستھان سماچار

---------------

ہندوستان سماچار / عبدالواحد