جموں, 24 فروری (ہ س)۔ شری ماتا ویشنو دیوی شرائن بورڈ نے مجوزہ بین الاقوامی دیوی میوزیم کے قیام کی سمت ایک اہم قدم اٹھاتے ہوئے آن لائن پورٹل لانچ کر دیا ہے۔ یہ فیصلہ بورڈ کی 76ویں میٹنگ میں لیا گیا تھا، جس کی صدارت جموں و کشمیر کے لیفٹیننٹ گورنر اور بورڈ کے چیئرمین منوج سنہا نے کی تھی۔نئے پورٹل کے ذریعے میوزیم کے تصور، ڈیزائن اور مواد کی تیاری میں ماہرین کی شرکت کو یقینی بنایا جائے گا۔ بورڈ نے دانشوروں، مورخین، معماروں، میوزیالوجسٹس، روحانی سکالرز اور دیگر متعلقہ شعبوں کے ماہرین سے تحقیق پر مبنی تجاویز اور منصوبے طلب کیے ہیں۔مجوزہ میوزیم کو عالمی معیار کے علمی اور تجرباتی مرکز کے طور پر فروغ دیا جائے گا، جہاں الوہی نسوانی طاقت اور شکتی روایت کے روحانی، ثقافتی اور تاریخی پہلوؤں کو جدید ٹیکنالوجی کے ذریعے پیش کیا جائے گا۔

میوزیم میں ڈیجیٹل انسٹالیشنز، انٹرایکٹو گیلریز، لائٹ اینڈ ساؤنڈ شو اور موضوعاتی نمائشیں شامل ہوں گی۔یہ میوزیم ویشنو دیوی مندر کی تاریخ، یاترا کے ارتقا، شکتی اُپاسنا کے فلسفے اور سناتن دھرم سے وابستہ وسیع روحانی روایات کو دستاویزی شکل دے گا، جس سے عقیدت مندوں اور سیاحوں کو عقیدت کے ساتھ ساتھ معلوماتی اور فکری تجربہ بھی حاصل ہوگا۔بورڈ کے چیف ایگزیکٹو آفیسر سچن کمار ویشیا نے کہا کہ یہ پورٹل ماہرین اور اداروں کے لیے ایک باہمی اشتراک کا پلیٹ فارم فراہم کرتا ہے، جہاں وہ میوزیم کے لیے تحقیقی مواد، آرکائیول حوالہ جات اور جدید خیالات پیش کر سکتے ہیں۔ انہوں نے بتایا کہ اس منصوبے میں مستند معلومات، علمی گہرائی اور جدید پیشکش کے درمیان توازن برقرار رکھا جائے

ہندوستھان سماچار

---------------

ہندوستان سماچار / محمد اصغر