کوئٹو، 24 فروری (ہ س)۔ جنوبی امریکہ کے ایکواڈور کے ایک گاوں میں فوجی وردی پہنے مسلح افراد نے کم از کم سات لوگوں کو قتل کر دیا۔ پولیس نے بتایا کہ یہ واقعہ پیر کو مغربی ایکواڈور کے ایک گاوں میں پیش آیا۔ یہ منشیات سے منسلک تشدد کا نیا واقعہ ہے۔

دی واشنگٹن ٹائمز کی رپورٹ کے مطابق، ایکواڈور منشیات کے تشدد سے نبرد آزما ہے۔ ایکواڈور میں ایسے حملے اکثر ہوتے رہتے ہیں۔ یہ قتل عام منابی گاوں میں ہوا۔ صدر ڈینیل نوبوا نے منشیات مخالف مہمات کی کمان فوج کو سپرد کر دی ہے۔ اس کے باوجود تشدد نہیں تھم سکا ہے۔

پولیس نے کہا کہ پیر کا حملہ علی الصبح ہوا اور سات لوگ گولی لگنے سے ہلاک ہوگئے۔ مہلوکین میں 16 سال کا ایک لڑکا بھی شامل ہے۔ بتایا گیا ہے کہ ایکواڈور کوکین اسمگلنگ کا ایک بڑا مرکز بن گیا ہے۔ قابل ذکر ہے کہ ایکواڈور کا دارالحکومت کوئٹو جنوبی امریکہ میں اینڈیز پہاڑی سلسلے کے درمیان 2,850 میٹر کی بلندی پر واقع ہے۔ کوئٹو اپنے محفوظ تاریخی پرانے شہر کے لیے مشہور ہے۔ اسے یونیسکو نے عالمی ثقافتی ورثہ قرار دیا ہے۔

ہندوستھان سماچار

---------------

ہندوستان سماچار / انظر حسن