اورئی، 22 فروری (ہ س)۔

اتر پردیش کے جالون ضلع کے کوتوالی علاقے میں اتوار کو سائبر فراڈ کے چنگل میں پھنسے ایک نوجوان نے انصاف نہ ملنے اور دلالوں کے مبینہ دباو¿ سے تنگ آکر پھانسی لگا کر خودکشی کی کوشش کی۔ وہ اور ئی کے گورنمنٹ میڈیکل کالج میں زیر علاج ہے۔

کالپی کوتوالی علاقے کے کدورہ کا رہنے والا متاثرہ فیضان احمد سائبر کرائم کا شکار ہو گیا۔ احسن نامی ایک جعلساز نے اسے کمیشن کا لالچ دے کر ہمیر پور میں ایکسس بینک میں مشترکہ اکاو¿نٹ کھولنے کا کہا۔ اس اکاو¿نٹ کے ذریعے کل تقریباً چار کروڑ روپے کی ٹرانزیکشنز ہوئیں۔ بڑی رقم کی منتقلی کے بعد سائبر جرائم پیشہ افراد نے نوجوان کو اس کا حصہ دینے کی بجائے پوری رقم غبن کر لی۔ دھوکہ دہی کے بعد نوجوان نے انصاف کی امید میں پولیس سے رجوع کیا۔ الزام ہے کہ مقدمہ درج ہونے کے بعد انصاف ملنے کے بجائے نوجوان ’پولیس ایجنٹوں‘ کا شکار ہو گیا۔ متاثرہ کے والد کالو نے بتایا کہ کچھ دلال اور ایجنٹ کیس کو سلجھانے کے نام پر رقم کے لیے نوجوان پر مسلسل دباو¿ ڈال رہے تھے۔ ایک مبینہ آڈیو کلپ بھی منظر عام پر آیا ہے جس میں مبینہ طور پر بروکر اور متاثرہ کے درمیان ہونے والی بات چیت کو دکھایا گیا ہے۔ اس آڈیو میں کیس کو سلجھانے کے عوض رقم کا مطالبہ کیا جا رہا ہے۔ اسی ذہنی دباو¿ اور مالی پریشانی سے تنگ آکر نوجوان نے گھر میں پھانسی لگا کر خودکشی کی کوشش کی۔ لواحقین نے نوجوان کو لٹکتا دیکھ کر فوراً اسے نیچے اتارا اور تشویشناک حالت میں گورنمنٹ میڈیکل کالج اورائی میں داخل کرایا۔ ڈاکٹروں کا کہنا ہے کہ نوجوان کی حالت بدستور تشویشناک ہے۔ پولیس اسٹیشن انچارج اجے برہما تیواری نے بتایا کہ معاملے کی تحقیقات جاری ہے اور قصورواروں کے خلاف قانونی کارروائی کی جائے گی۔

ہندوستھان سماچار

ہندوستان سماچار / عطاءاللہ