سرینگر 22 فروری( ہ س)۔جموں دیہی پولیس نے جھجر کوٹلی میں معمول کے ناکہ چیکنگ کے دوران گائے کی غیر قانونی اسمگلنگ کی دو الگ الگ کوششوں کو ناکام بنایا اور 12 مویشیوں کو بچایا۔ پہلے معاملے میں، ایک گاڑی جس کا رجسٹریشن نمبرJK19A-3171 تھا، جسے مظفر احمد کالوکھر ولد محمد لطیف تحصیل کھرم، ضلع اننت ناگ چلا رہا تھا، کو تھانہ جھجر کوٹلی کی ناکہ ٹیم نے روکا۔ چیکنگ کے دوران چار گائے کے جانور غیر قانونی طور پر منتقل ہوتے پائے گئے۔ گاڑی اور جانوروں کو ضبط کر لیا گیا، اور PCA ایکٹ کی دفعہ 223 BNS اور سیکشن 11 کے تحت کیس نمبر 19/2026 درج کی گئی۔ ایک اور معاملے میں، صبح صویرے، ایک گاڑی جس کا رجسٹریشن نمبر JK03K-9534 تھا، جسے ماجد گنائی چانو چک، تحصیل مارہ، ضلع جموں چلا رہا تھا کو چیکنگ کے لیے روکا گیا۔ 04 گائے، 02 بھینسیں اور 02 بیل غیر قانونی طور پر لے جا رہے پائے گئے۔ گاڑی اور جانوروں کو ضبط کر لیا گیا، اور PCA ایکٹ کی دفعہ 223 BNS اور سیکشن 11* کے تحت کیس نمبر 20/2026 درج کی گئی۔ مزید تفتیش جاری ہے۔ہندوستھان سماچار

ہندوستان سماچار / Aftab Ahmad Mir