حیدرآباد ، 20 فروری (ہ س) ۔ حیدرآباد میں جمعہ کو یہاں میئتریونم کے قریب نیلگیری بلاک کی عمارت میں آگ لگ گئی، مبینہ طور پر شارٹ سرکٹ کی وجہ سے پیش آئے اس واقعہ میں پولیس اور فائرڈیپارٹمنٹ کے اہلکاروں نے 100 سے زائد طلباء کو بچایا۔ ڈی ایف او سری داس نے بتایا کہ کوئی جانی نقصان یا زخمی نہیں ہوا۔ گھنے دھوئیں نے عمارت کے کچھ حصوں کو اپنی لپیٹ میں لے لیا جس سے طلباء اور دیگر مکینوں میں خوف و ہراس پھیل گیا۔ طلباء چوتھی منزل پر واقع کمپیوٹر ٹریننگ انسٹی ٹیوٹ کے اندر پھنس گئے کیونکہ احاطے میں دھواں پھیل گیا۔ پولیس اور فائر بریگیڈ کے عملے نے موقع پر پہنچ کر امدادی کارروائیاں شروع کر دیں۔ ٹیمیں بالکونی کے ذریعے بالائی منزل پر پھنسے افراد کو بچانے کی کوشش کر رہی ہیں۔ عمارت کو بجلی کی سپلائی احتیاطی تدابیر کے طور پر منقطع کر دی گئی ہے۔امیرپیٹ میں آتشزدگی کے واقعہ کے بعد آس پاس کے علاقوں میں ٹریفک کی نقل وحرکت متاثر ہوئی ہے۔واقعہ اور بھاری گاڑیوں کے بہاؤ کی وجہ سے ٹریفک ایس آر نگرروڈ اورمیئیتریونم جنکشن سے ستیم تھیٹرروڈ کی طرف آہستہ آہستہ چل رہی ہے۔ ٹریفک اہلکار موقع پر موجود ہیں، نقل و حرکت کو منظم کررہے ہیں اور ہنگامی خدمات کے ساتھ ہم آہنگ کررہے ہیں۔ مسافروں کو مشورہ دیا جاتا ہے کہ وہ متاثرہ راستے سے گریز کریں، متبادل راستے اختیار کریں، اور ڈیوٹی پر موجود ٹریفک اہلکاروں کے ساتھ تعاون کریں۔ حکام نے تکلیف پر افسوس کا اظہار کیا ہے اورعوام سے صبر کی درخواست کی ہے کیونکہ ہنگامی ردعمل اور ٹریفک ریگولیشن کی کوششیں جاری ہیں۔۔ ہندوستھان سماچار

ہندوستان سماچار / محمدعبدالخالق