جموں, 17 فروری (ہ س)۔ محکمہ اسٹیٹ ٹیکسز کے کمشنر پی کے بھٹ نے ریلوے اسٹیشن جموں میں محکمہ کے افسران اور ملازمین کے لیے زیرِ تعمیر دفتری اور رہائشی عمارت کا معائنہ کیا۔

اس موقع پر ڈپٹی کمشنر اسٹامپس شفیق رینا، ڈپٹی کمشنر نفاذ سونو پرگال اور ایگزیکٹو انجینئر بھی ان کے ہمراہ موجود تھے۔کمشنر نے تعمیراتی کام کی رفتار کو سراہتے ہوئے متعلقہ انجینئرنگ شعبے کو ہدایت دی کہ منصوبے کی بروقت تکمیل کے لیے کام مزید تیز کیا جائے اور تعمیر کے معیار کو ہر حال میں برقرار رکھا جائے۔

دورے کے دوران پبلک ورکس محکمہ کے منصوبہ جاتی شعبہ کے ایگزیکٹو انجینئر نے منصوبے کی تفصیلات اور اب تک ہونے والی پیش رفت سے آگاہ کیا۔ انہوں نے بتایا کہ یہ چھ منزلہ عمارت 26 ہزار 375 مربع فٹ رقبے پر مشتمل ہوگی، جس میں نچلی اور پہلی منزل پر دفاتر جبکہ باقی چار منزلوں پر افسران اور ملازمین کے لیے 14 رہائشی یونٹس تعمیر کیے جائیں گے۔حکام کے مطابق منصوبے کی منظور شدہ لاگت 1088.59 لاکھ روپے ہے جبکہ دسمبر 2025 تک 167.50 لاکھ روپے جاری کیے جا چکے ہیں جو مکمل طور پر خرچ ہو چکے ہیں۔ منصوبے کی مجموعی جسمانی پیش رفت 38 فیصد تک پہنچ چکی ہے اور بروقت فنڈز کی فراہمی کی صورت میں اگست 2026 تک تکمیل کا ہدف مقرر کیا گیا ہے۔

ہندوستھان سماچار

---------------

ہندوستان سماچار / محمد اصغر