نئی دہلی، 10 فروری (ہ س)۔ کرکٹر سچن تندولکر نے منگل کو وزیر اعظم نریندر مودی اور کانگریس پارلیمانی پارٹی کی چیئرپرسن سونیا گاندھی سے ملاقات کرکے اپنے بیٹے ارجن تندولکر کی شادی کا دعوت نامہ پیش کیا۔ تندولکر کے ساتھ ان کی اہلیہ انجلی تندولکر، بیٹا ارجن، بیٹی سارہ اور خاندان کے دیگر افراد بھی تھے۔

تندولکر نے سوشل میڈیا پلیٹ فارم انسٹاگرام پر سرکاری رہائش گاہ پر وزیر اعظم کے ساتھ اپنی ملاقات کی تصاویر شیئر کیں۔ انہوں نے لکھا کہ ارجن اور ثانیہ کی شادی میں وزیراعظم کو مدعو کرنے پر انہیں فخر ہے۔ انہوں نے کہا کہ وزیراعظم کی آشیرباد اور رہنمائی نوجوان جوڑے کے لیے متاثر کن ثابت ہوگی۔

وزیر اعظم سے ملاقات کے بعد، تندولکر اور ان کے خاندان نے شام کو کانگریس پارلیمانی پارٹی کی چیئرپرسن سونیا گاندھی سے ان کی رہائش گاہ 10، جن پتھ پر ملاقات کی۔ انہوں نے سونیا اور راہل گاندھی کو خاندانی تقریب میں مدعو کیا۔

ہندوستھان سماچار

---------------

ہندوستان سماچار / عبدالواحد