ملک کے زرمبادلہ ذخائر میں 14.20 ارب ڈالر کی کمی، 705.34 ارب ڈالر رہ گئے
نئی دہلی، 20 نومبر (ہ س)۔ ملک کی معیشت کے محاذ پر ایک تشویش ناک خبر سامنے آئی ہے۔ ہندوستان کے زرمبادلہ ذخائر میں ایک بار پھر کمی درج کی گئی ہے۔ 13 نومبر کو ختم ہونے والے ہفتے کے دوران ملک کے زرمبادلہ ذخائر 14.20 ارب ڈالر گھٹ کر 705.34 ارب ڈالر رہ
ملک کے زرمبادلہ ذخائر میں 14.20 ارب ڈالر کی کمی، 705.34 ارب ڈالر رہ گئے


نئی دہلی، 20 نومبر (ہ س)۔

ملک کی معیشت کے محاذ پر ایک تشویش ناک خبر سامنے آئی ہے۔ ہندوستان کے زرمبادلہ ذخائر میں ایک بار پھر کمی درج کی گئی ہے۔ 13 نومبر کو ختم ہونے والے ہفتے کے دوران ملک کے زرمبادلہ ذخائر 14.20 ارب ڈالر گھٹ کر 705.34 ارب ڈالر رہ گئے۔

ریزرو بینک آف انڈیا (آر بی آئی) نے جمعہ کو یہ اطلاع دی۔ ریزرو بینک کی جانب سے جاری اعداد و شمار کے مطابق، اس سے پہلے ختم ہونے والے ہفتے میں ملک کے مجموعی زرمبادلہ ذخائر میں 2.49 ارب ڈالر کا اضافہ ہوا تھا، جس کے بعد یہ بڑھ کر 719.55 ارب ڈالر تک پہنچ گئے تھے۔

اعداد و شمار کے مطابق، 13 نومبر کو ختم ہونے والے ہفتے میں زرمبادلہ ذخائر کا اہم حصہ سمجھے جانے والے غیر ملکی کرنسی اثاثوں میں بھی 7.9 ارب ڈالر کی کمی ہوئی اور یہ گھٹ کر 583.45 ارب ڈالر رہ گئے۔

آر بی آئی کے مطابق، اس دوران سونے کے ذخائر کی مالیت میں 6.18 ارب ڈالر کی کمی درج کی گئی اور یہ 98.61 ارب ڈالر رہ گئی۔

مرکزی بینک نے بتایا کہ ایس ڈی آر بھی 9.2 کروڑ ڈالر گھٹ کر 18.52 ارب ڈالر رہ گیا، جبکہ بین الاقوامی مالیاتی فنڈ (آئی ایم ایف) میں ملک کے ریزرو ذخائر میں بھی 3.2 کروڑ ڈالر کی کمی ہوئی اور یہ 4.76 ارب ڈالر رہ گئے۔

قابل ذکر ہے کہ ملک کے زرمبادلہ ذخائر 4 ستمبر کو ختم ہونے والے ہفتے میں 785.71 ارب ڈالر کی ریکارڈ بلند ترین سطح پر پہنچ گئے تھے، تاہم اس کے بعد سے ان میں مسلسل گراوٹ دیکھی جا رہی ہے۔

ہندوستھان سماچار

ہندوستھان سماچار / عطاءاللہ


 rajesh pande