نیوزی لینڈ کے خلاف چوتھے ون ڈے کے دوران جارحانہ انداز میں جشن منانے پر گرنور برار کی سرزنش
نئی دہلی، 17 نومبر (ہ س)۔ ہندوستانی تیز گیند باز گرنور برار کو نیوزی لینڈ کے خلاف جمعہ کو کھیلے گئے چوتھے ایک روزہ مقابلے میں آئی سی سی کے ضابطہ اخلاق کی خلاف ورزی کرنے پر سرزنش کی گئی ہے۔ ان پر انٹرنیشنل کرکٹ کونسل (آئی سی سی) کے ضابطہ اخلاق کی سط
نیوزی لینڈ کے خلاف چوتھے ون ڈے کے دوران جارحانہ انداز میں جشن منانے پر گرنور برار کی سرزنش


نئی دہلی، 17 نومبر (ہ س)۔ ہندوستانی تیز گیند باز گرنور برار کو نیوزی لینڈ کے خلاف جمعہ کو کھیلے گئے چوتھے ایک روزہ مقابلے میں آئی سی سی کے ضابطہ اخلاق کی خلاف ورزی کرنے پر سرزنش کی گئی ہے۔ ان پر انٹرنیشنل کرکٹ کونسل (آئی سی سی) کے ضابطہ اخلاق کی سطح اول کی خلاف ورزی کا الزام ثابت ہوا ہے۔ اس کے ساتھ ہی ان کے تادیبی ریکارڈ میں ایک اور ڈی میرٹ پوائنٹ بھی شامل کر دیا گیا ہے۔

آئی سی سی کے مطابق برار نے کھلاڑیوں اور معاون عملے کے لیے مقرر کردہ ضابطہ اخلاق کی شق 2.5 کی خلاف ورزی کی۔ یہ ضابطہ کسی بین الاقوامی مقابلے میں بلے باز کے آؤٹ ہونے کے بعد ایسی زبان، رویے یا اشاروں کے استعمال سے متعلق ہے، جو بلے باز کی توہین کر سکتے ہیں یا اسے جارحانہ ردعمل دینے پر اکسا سکتے ہیں۔

یہ واقعہ اننگز کے 12ویں اوور کے اختتام پر ٹم سیفرٹ کے آؤٹ ہونے کے بعد پیش آیا۔ وکٹ حاصل کرنے کے بعد برار نے جارحانہ انداز میں جشن منایا، جسے بلے باز کے تئیں توہین آمیز سمجھا جا سکتا تھا اور اس سے بلے باز کی جانب سے بھی جارحانہ ردعمل کا خدشہ تھا۔

برار نے اپنی غلطی تسلیم کر لی اور آئی سی سی کی بین الاقوامی میچ ریفری کمیٹی کے امارات پینل کے رکن رنجن مدوگلے کی جانب سے تجویز کردہ سزا کو قبول کر لیا۔ اس لیے اس معاملے میں باضابطہ سماعت کی ضرورت نہیں پڑی۔

گزشتہ 24 ماہ کے دوران یہ برار کی دوسری خلاف ورزی ہے۔ اسی وجہ سے ان کے کھاتے میں ایک اور ڈی میرٹ پوائنٹ شامل کر دیا گیا ہے اور اب ان کے مجموعی ڈی میرٹ پوائنٹس کی تعداد دو ہو گئی ہے۔

میدانی امپائر کرس براؤن اور کمار دھرماسینا، تیسرے امپائر پال ریفل اور چوتھے امپائر وین نائٹس نے برار پر الزامات عائد کیے تھے۔

آئی سی سی کے ضابطہ اخلاق کی سطح اول کی خلاف ورزی پر سرکاری سرزنش سے لے کر کھلاڑی کی میچ فیس کے زیادہ سے زیادہ 50 فیصد تک جرمانے کی گنجائش ہے۔ اس کے علاوہ ایک یا دو ڈی میرٹ پوائنٹس بھی دیے جا سکتے ہیں۔

ہندوستھان سماچار

---------------

ہندوستھان سماچار / عبدالواحد


 rajesh pande