نیشین، 3 اکتوبر (ہ س)۔ ہندوستانی اوپنر ابھیشیک شرما نے پاکستان کے خلاف ایشین گیمز 2026 کے گولڈ میڈل مقابلے میں 28 گیندوں پر 61 رنز کی طوفانی اننگز کھیل کر دو بڑی کامیابیاں اپنے نام کر لیں۔ ان کی اننگز میں سات چھکے اور تین چوکے شامل تھے۔

ابھیشیک نے اپنی اننگز کے دوران ٹی20 کرکٹ میں 400 چھکے مکمل کیے اور یہ کارنامہ انجام دینے کے معاملے میں کرس گیل کو پیچھے چھوڑ دیا۔ وہ گیندوں کے لحاظ سے ٹی20 کرکٹ میںتیزی سے 400 چھکے مکمل کرنے والے دنیا کے دوسرے بلے باز بن گئے ہیں۔ ابھیشیک نے 3513 گیندوں میں یہ کامیابی حاصل کی، جبکہ کرس گیل نے 3557 گیندوں میں 400 چھکے مکمل کیے تھے۔ آندرے رسل 3027 گیندوں میں یہ کارنامہ انجام دے کر اس فہرست میں سرفہرست ہیں۔

ٹی20 میں 400 چھکے مکمل کرنے والے بلے باز:

آندرے رسل — 3027 گیندیں

ابھیشیک شرما — 3513 گیندیں

کرس گیل — 3557 گیندیں

ٹم ڈیوڈ — 3803 گیندیں

کیرون پولارڈ — 3944 گیندیں

نکولس پورن — 4045 گیندیں

ایون لیوس — 4072 گیندیں

ابھیشیک نے اسی اننگز کے دوران ایک اور بڑا ریکارڈ بھی اپنے نام کیا۔ انہوں نے 2026 میں ٹی20 کرکٹ میں 100 چھکے مکمل کر لیے اور ایک کیلنڈر سال میں یہ کارنامہ انجام دینے والے دوسرے بلے باز بن گئے۔ انہوں نے اس سال 651 گیندوں میں 100 چھکے مکمل کیے اور ڈیوالڈ بریوس اور کرس گیل کو پیچھے چھوڑ دیا۔ اس فہرست میں بھی آندرے رسل 589 گیندوں کے ساتھ سب سے آگے ہیں۔

ایک کیلنڈر سال میں 100 ٹی20 چھکے مکمل کرنے والے بلے باز:

آندرے رسل — 589 گیندیں، 2019

ابھیشیک شرما — 651 گیندیں، 2026

ڈیوالڈ بریوس — 653 گیندیں، 2025

کرس گیل — 724 گیندیں، 2016

کرن بیر سنگھ — 728 گیندیں، 2025

پاکستان کے خلاف گولڈ میڈل مقابلے میں ہندوستان نے ٹاس جیت کر پہلے بلے بازی کرنے کا فیصلہ کیا۔ ہندوستانی ٹیم نے اس مقابلے کے لیے اپنی پلیئنگ الیون میں کوئی تبدیلی نہیں کی اور ارشدیپ سنگھ، یش ٹھاکر اور وپراج نگم کو باہر رکھا۔

پاکستان نے اپنی ٹیم میں ایک تبدیلی کی۔ بیٹنگ آل راؤنڈر سعد مسعود کو تیز گیند باز محمد وسیم جونیئر کی جگہ پلیئنگ الیون میں شامل کیا گیا۔

ہندوستھان سماچار

ہندوستان سماچار / Mohammad Khan