30 طلائی، 35 چاندی اور 49 کانسے کے تمغے جیت کر ہندوستان نے 2023 کی کارکردگی کو پیچھے چھوڑ دیا

نئی دہلی، 23 اکتوبر (ہ س)۔

ایشیائی پیرا کھیل 2026 میں ہندوستان نے شاندار کارکردگی کا مظاہرہ کرتے ہوئے مجموعی طور پر 114 تمغوں کے ساتھ اپنے سفر کا اختتام کیا۔ ہندوستان نے 30 طلائی، 35 چاندی اور 49 کانسے کے تمغے حاصل کیے۔ اس طرح ہندوستانی دستے نے مجموعی تمغوں کی تعداد کے لحاظ سے گزشتہ ایڈیشن کی کارکردگی کو پیچھے چھوڑ دیا۔

ہندوستان نے جمعہ کو 9 طلائی تمغوں سمیت مجموعی طور پر 26 تمغے جیت کر اپنی مہم مکمل کی۔ تاہم، ان کھیلوں کی باضابطہ اختتامی تقریب ہفتہ، 24 اکتوبر کو منعقد کی جائے گی۔

ہندوستان نے اپنا سابقہ ریکارڈ توڑ دیا

سال 2023 میں منعقدہ گزشتہ ایڈیشن میں ہندوستان نے 29 طلائی، 31 چاندی اور 51 کانسے کے تمغوں سمیت مجموعی طور پر 111 تمغے جیتے تھے۔ اس مرتبہ ہندوستان نے مجموعی تمغوں کی تعداد میں تین تمغوں کا اضافہ کیا۔ گزشتہ ایڈیشن کے مقابلے میں ہندوستان نے ایک زیادہ طلائی اور چار زیادہ چاندی کے تمغے حاصل کیے، جبکہ کانسے کے تمغوں کی تعداد دو کم رہی۔

ہندوستانی کھلاڑیوں کی اس کارکردگی نے پیرا کھیلوں میں ملک کی بڑھتی ہوئی طاقت کو اجاگر کیا ہے۔ تیر اندازی، ایتھلیٹکس، بیڈمنٹن، نشانہ بازی اور تیراکی سمیت مختلف مقابلوں میں ہندوستانی کھلاڑیوں نے تمغے جیت کر ملک کا نام روشن کیا۔

ہندوستھان سماچار

ہندوستان سماچار / عطاءاللہ