آئیچی-ناگویا، 21 اکتوبر (ہ س):۔

ہندوستان کے روی رونگالی نے بدھ کے روز آئیچی-ناگویا ایشیائی پیرا کھیل 2026 میں مردوں کے شاٹ پٹ ایف-40 مقابلے میں کانسے کا تمغہ جیت لیا۔ انہوں نے 10.02 میٹر کی دوری تک گولا پھینک کر تیسری پوزیشن حاصل کی۔

اس مقابلے میں عراق کے گراہ تنیش نے 10.78 میٹر کے تھرو کے ساتھ سونے کا تمغہ جیتا، جب کہ منگولیا کے گان-ایردینے گانسوخ نے اپنی ذاتی بہترین کارکردگی کا مظاہرہ کرتے ہوئے 10.30 میٹر کے تھرو کے ساتھ چاندی کا تمغہ اپنے نام کیا۔

روی نے اپنی پہلی کوشش میں 9.21 میٹر اور دوسری کوشش میں 10.02 میٹر تک گولا پھینکا۔ ان کی چوتھی کوشش 9.95 میٹر کی رہی، جب کہ پانچویں کوشش میں انہوں نے 9.63 میٹر کا فاصلہ حاصل کیا۔ چھٹی کوشش میں وہ کامیاب تھرو نہیں کر سکے۔

خبر لکھے جانے تک ہندوستان تمغوں کی فہرست میں ساتویں مقام پر آ گیا تھا۔ ہندوستان اب تک مجموعی طور پر 49 تمغے جیت چکا ہے، جن میں 12 سونے، 18 چاندی اور 19 کانسے کے تمغے شامل ہیں۔

ہندوستھان سماچار

ہندوستان سماچار / عطاءاللہ