نئی دہلی، 15 اکتوبر (ہ س)۔ دیوالی سے پہلے برآمدات کے معاملے پر اچھی خبر سامنے آئی ہے۔ ملک کی اشیا کی برآمدات ستمبر میں سالانہ بنیاد پر 23.04 فیصد بڑھ کر 44.40 ارب ڈالر تک پہنچ گئی، جبکہ تجارتی خسارہ کم ہو کر 30.21 ارب ڈالر رہ گیا۔ گزشتہ سال ستمبر میں برآمدات کا یہ اعداد و شمار 36.08 ارب ڈالر تھا۔ اشیا کی تجارت میں خسارہ بھی کم ہو کر 30.21 ارب ڈالر رہ گیا، جو ایک سال پہلے 33 ارب ڈالر تھا۔

وزارت تجارت و صنعت کی جانب سے جمعرات کو جاری اعداد و شمار کے مطابق، اس دوران درآمدات 8 فیصد بڑھ کر 69.08 ارب ڈالر سے 74.61 ارب ڈالر ہو گئی۔ اس سے تجارتی خسارہ کم ہو کر 30.21 ارب ڈالر رہ گیا، جو ستمبر 2025 میں 33 ارب ڈالر تھا۔وزارت کے مطابق، موجودہ مالی سال 27-2026 کی پہلی ششماہی، یعنی اپریل سے ستمبر کے دوران، برآمدات 18.51 فیصد بڑھ کر 259.89 ارب ڈالر ہو گئی۔ اس مدت میں درآمدات 16.31 فیصد اضافے کے ساتھ 437.53 ارب ڈالر رہی۔

سکریٹری تجارت راجیش اگروال نے کہا کہ ستمبر میں اشیا کی برآمدات 44.40 ارب امریکی ڈالر رہی، جو گزشتہ سال اسی مہینے کے مقابلے میں 23.04 فیصد زیادہ ہے ۔ اگروال کے مطابق، الیکٹرانک سامان، پیٹرولیم مصنوعات، انجینئرنگ کے سامان، کیمیکلز اور زرعی مصنوعات کی بڑھتی ہوئی ترسیل نے برآمدات میں اضافے کو سہارا دیا ہے۔

ہندوستھان سماچار

ہندوستان سماچار / محمد شہزاد