پلامو، 8 جنوری (ہ س)۔ پلامو کے جلپا-چھتر پور روڈ پر حسین آباد تھانہ علاقے میں ریلوے اوور برج کے قریب واقع منوج الیکٹرک اینڈ الیکٹرانکس میں جمعرات کی صبح زبردست آگ لگ گئی۔ آگ لگنے کی وجہ بجلی کا شارٹ سرکٹ بتائی جا رہی ہے۔ تقریباً دو گھنٹے کی کوشش کے بعد فائر بریگیڈ کی مدد سے آگ پر قابو پالیا گیا۔ اس واقعہ سے دکاندار کو تقریباً 30 لاکھ روپے کا نقصان پہنچا۔

دکان کے مالک منوج کمار کو صبح 3 بجے آگ لگنے کی اطلاع ملی، لیکن تب تک دکان میں موجود تقریباً سارا سامان جل کر خاکستر ہو چکا تھا۔ آگ اس قدر تباہ کن تھی کہ دکان کی واشنگ مشین، فریج، ایل سی ڈی ٹی وی، روم ہیٹر، بلوورز، ایئر کنڈیشنر اور دیگر قیمتی الیکٹرانک اشیاء مکمل طور پر جل کر خاکستر ہوگئیں۔

فائر بریگیڈ کے مطابق انہیں صبح 4 بج کر 35 منٹ پر آگ لگنے کی کال موصول ہوئی جس پر وہ فوری طور پر جائے وقوعہ پر پہنچے اور دو گاڑیوں سے پانی کے ذریعے آگ پر قابو پالیا۔

ابتدائی تخمینہ کے مطابق آگ لگنے سے 30لاکھ روپے سے زائد کا نقصان ہوا ہے۔ آگ نے دکاندار کو مالی طور پر تباہ کر دیا ہے۔ متاثرہ دکاندار نے انتظامیہ سے معاوضے کا مطالبہ کیا ہے۔ علاقہ مکینوں نے انتظامیہ سے متاثرہ دکاندار کی مناسب مدد کی اپیل بھی کی ہے۔ واقعہ کی اطلاع متعلقہ محکمے کو دے دی گئی ہے، اور معاملے کی جانچ کی جا رہی ہے۔

ہندوستھان سماچار

ہندوستان سماچار / محمد شہزاد