ممبئی، 7 جنوری (ہ س)۔ نقدی انتظام پر توجہ مرکوز کرنے والی کمپنی سی ایم ایس انفوسسٹمز کو اسٹیٹ بینک آف انڈیا (ایس بی آئی) سے اس کے 5,000 آٹومیٹڈ ٹیلر مشینوں (اے ٹی ایم) کی دیکھ بھال کے لیے 1,000 کروڑ روپے کا بڑا ٹھیکہ ملا ہے۔ یہ ٹھیکہ سی ایم ایس کو یکم جنوری سے آئندہ 10 برسوں کے لیے دیا گیا ہے۔

سی ایم ایس انفوسسٹمز نے بدھ کے روز جانکاری دی کہ اسے ایس بی آئی کے 5 ہزار اے ٹی ایم کی دیکھ بھال کے لیے یکم جنوری سے 10 سال کی مدت کے لیے 1,000 کروڑ روپے کا معاہدہ ہوا ہے۔ اس معاہدے میں منیجڈ سروسز، نقدی کی مؤثر فراہمی میں بہتری اور اے ٹی ایم کی کارکردگی میں اضافہ شامل ہے، جس سے لاکھوں بینک صارفین کو فائدہ پہنچے گا۔

کیش لاجسٹکس اور سی ایم ایس انفوسسٹمز کے چیف بزنس آفیسر انوش راگھون نے کہا کہ اس معاہدے سے کمپنی کی آمدنی میں تقریباً 500 کروڑ روپے کا اضافی اضافہ ہوگا۔ انہوں نے کہا، ’’یہ طویل مدتی معاہدہ لاکھوں صارفین کو بلا رکاوٹ سیلف سروس بینکنگ کے ساتھ استحکام اور اعلیٰ معیار کی خدمات فراہم کرے گا۔‘‘

ہندوستھان سماچار

---------------

ہندوستان سماچار / عبدالواحد