لکھنو، 6 جنوری (ہ س)۔ وزیر اعلی یوگی آدتیہ ناتھ کی صدارت میں منگل کو لوک بھون میں ہوئی کابینہ کی میٹنگ میں کئی اہم فیصلے لیے گئے۔ کابینہ کی میٹنگ کے بعد، خزانہ اور پارلیمانی امور کے وزیر سریش کھنہ نے کہا کہ کابینہ کے اجلاس کے سامنے کل 14 تجاویز آئیں، جن میں سے 13 تجاویز کو منظور کر لیا گیا۔ ان تجاویز میں سے ایک یہ ہے کہ خاندان کے خونی رشتوں کو جائیداد عطیہ کرنے پر بڑا ریلیف دیا گیا ہے اور اب خاندان کے کسی فرد کو کسی بھی قسم کی جائیداد عطیہ کرنے پر اسٹامپ ڈیوٹی صرف پانچ ہزار روپے ہوگی۔کشی نگر اور جھانسی میں نئے اسٹامپ آفس کی تعمیر کی منظوری دی گئی۔ صنعت کے وزیر نند گوپال گپتا نندی نے کہا کہ گلوبل کیپیسٹی سنٹر پالیسی کے لیے ایس او پی کو منظور کر لیا گیا ہے۔ 21 صنعتی کمپنیاں رواں مالی سال میں تعمیرات/آپریشن شروع کریں گی، جس سے 10,000 سے زائد نوجوانوں کو بلاواسطہ اور بالواسطہ روزگار ملے گا۔کابینہ نے جے ایس یونیورسٹی شکوہ آباد کی شناخت منسوخ کر دی۔ یہ اہم فیصلہ فرضی مارک شیٹ کیس کی تحقیقات کے بعد لیا گیا ہے۔ اعلیٰ تعلیم کے وزیر یوگیندر اپادھیائے نے کہا کہ بھیم راو¿ امبیڈکر یونیورسٹی، آگرہ اب طلباءکی ڈگریوں اور سرٹیفکیٹس کی تصدیق اور کارروائی کرے گی۔ہندوستھان سماچار

ہندوستان سماچار / Mohammad Khan