نئی دہلی، 21 جنوری (ہ س)۔ بجلی محکمہ کے مرکزی وزیرِ منوہر لال کھٹر نے بدھ کے روز کہا کہ آئندہ بجٹ اجلاس میں بجلی (ترمیمی) بل 2025 پیش کیا جا سکتا ہے۔ اس بل کا مقصد وفاقی توازن کو برقرار رکھنا، باہمی تعاون پر مبنی نظام کو فروغ دینا، صحت مند مسابقت کی حوصلہ افزائی کرنا اور بجلی کے شعبے کی کارکردگی میں بہتری لانا ہے۔
مرکزی وزیرِ بجلی نے یہ بات نئی دہلی میں منعقد آل انڈیا بجلی تقسیم کار کمپنیوں کی تنظیم (اےآئی ڈی اے) کے پہلے سالانہ اجلاس “ای ڈی آئی سی او این 2026” کے دوران ایک سوال کے جواب میں کہی۔ پروگرام سے خطاب کرتے ہوئے منوہر لال نے کہا کہ بجلی کی سپلائی ویلیو چین — پیداوار، ترسیل اور تقسیم — میں بجلی تقسیم کرنے والی کمپنیاں ایک نہایت اہم کڑی ہیں۔
منوہر لال نے کہا،“آنے والے وقت میں پاور سیکٹر بہت بڑا ہونے والا ہے اور تیزی سے بڑھتی ہوئی معیشت کو ایسے پاور سیکٹر کی ضرورت ہے جو آج ہماری سوچ سے کہیں زیادہ مضبوط ہو۔ ایسے حالات میں ہماری بجلی تقسیم کرنے والی کمپنیاں (ڈسکام) کا مضبوط، خوشحال اور مالی طور پر طاقتور ہونا نہایت ضروری ہے۔”
ہندوستھان سماچار
---------------
ہندوستان سماچار / عبدالواحد
