نئی دہلی، 02 جنوری : گھریلو شیئر مارکیٹ میں آج ابتدائی کاروبار کے دوران تیزی کا رخ برقرار ہے۔ آج کے کاروبار کی شروعات معمولی سبقت کے ساتھ ہوئی تھی۔ مارکیٹ کھلنے کے بعد خریداروں نے خریداری کا زور بنا دیا، جس سے سینسیکس اور نفٹی دونوں انڈیکس کی چال میں تیزی آ گئی۔ حالانکہ بیچ بیچ میں منافع وصولی بھی ہوتی رہی۔ اس کے باوجود ان دونوں انڈیکس کی چال پر زیادہ اثر نہیں پڑا۔ پہلے 1 گھنٹے کا کاروبار ہونے کے بعد سینسیکس 0.38 فیصد اور نفٹی 0.36 فیصد کی مضبوطی کے ساتھ کاروبار کر رہے تھے۔
ابتدائی پہلے گھنٹے کا کاروبار ہونے کے بعد شیئر مارکیٹ کے سرکردہ شیئروں میں سے ہنڈالکو انڈسٹریز، ایشین پینٹس، کول انڈیا، جیو فائنانشیل اور ایس بی آئی لائف انشورنس کے شیئر 1.58 فیصد سے لے کر 1.02 فیصد کی مضبوطی کے ساتھ کاروبار کر رہے تھے۔ دوسری جانب، آئی ٹی سی، ڈاکٹر ریڈیز لیبارٹریز، ٹائٹن کمپنی، بجاج آٹو اور اپولو ہاسپٹل کے شیئر 3.50 فیصد سے لے کر 0.36 فیصد کی گراوٹ کے ساتھ کاروبار کرتے ہوئے نظر آ رہے تھے۔
ابھی تک کے کاروبار میں شیئر مارکیٹ میں 2,369 شیئروں میں ایکٹیو ٹریڈنگ ہو رہی تھی۔ ان میں سے 1,458 شیئر منافع کما کر سبز نشان میں کاروبار کر رہے تھے، جبکہ 911 شیئر نقصان اٹھا کر سرخ نشان میں کاروبار کر رہے تھے۔ اسی طرح سینسیکس میں شامل 30 شیئروں میں سے 25 شیئر خریداری کی حمایت سے سبز نشان میں برقرار تھے۔ دوسری جانب 5 شیئر فروخت کے دباو میں سرخ نشان میں کاروبار کر رہے تھے۔ جبکہ نفٹی میں شامل 50 شیئروں میں سے 43 شیئر سبز نشان میں اور 7 شیئر سرخ نشان میں کاروبار کرتے نظر آ رہے تھے۔
بی ایس ای کا سینسیکس آج 70.76 پوائنٹس کی معمولی مضبوطی کے ساتھ 85,259.36 پوائنٹس کی سطح پر کھلا۔ کاروبار کی شروعات ہوتے ہی خریداروں نے خریداری کا زور بنا دیا، جس سے اس انڈیکس کی چال میں تیزی آ گئی۔ حالانکہ پہلے 15 منٹ کے کاروبار کے بعد منافع وصولی کے سبب کچھ دیر کے لیے فروخت کا دباو بھی بنا، لیکن تھوڑی ہی دیر بعد خریداروں نے دوبارہ خریداری کا زور بنا دیا۔ مارکیٹ میں مسلسل جاری خرید و فروخت کے درمیان پہلے 1 گھنٹے کا کاروبار ہونے کے بعد صبح 10.15 بجے سینسیکس 319.75 پوائنٹس کی سبقت کے ساتھ 85,508.35 پوائنٹس کی سطح پر کاروبار کر رہا تھا۔
سینسیکس کی طرح ہی این ایس ای کے نفٹی نے آج 8.55 پوائنٹس کی علامتی تیزی کے ساتھ 26,155.10 پوائنٹس کی سطح سے کاروبار کی شروعات کی۔ مارکیٹ کھلتے ہی خریداروں نے خریداری شروع کر دی، جس سے اس انڈیکس نے رفتار پکڑ لی۔ حالانکہ بیچ بیچ میں منافع وصولی کے باعث فروخت کے معمولی جھٹکے بھی لگتے رہے۔ اس کے باوجود اس انڈیکس کی رفتار مسلسل بنی رہی۔ مارکیٹ میں مسلسل جاری خرید و فروخت کے درمیان ابتدائی 1 گھنٹے کا کاروبار ہونے کے بعد صبح 10.15 بجے نفٹی 94.70 پوائنٹس کی مضبوطی کے ساتھ 26,241.25 پوائنٹس کی سطح پر کاروبار کر رہا تھا۔
ہندوستھان سماچار
ہندوستان سماچار / انظر حسن
